蝦皮苦瓜芫茜蛋餅

小妹係先出苦瓜水30秒,另鑊炒香煙肉,乾葱,聞到香下出水苦瓜炒1分鍾,最尾放芫茜,灑少少胡椒鹽,黑椒,伴均取起

鑊中放小小油,下2隻蛋(內有1湯魚露),下苦瓜料,平均伴均蛋液中至圓型,慢慢煎完一面再番另一面.

之前買咗盒蝦皮,仲有少少,有個苦瓜就用嚟煎苦瓜蛋餅,好香口,好夾苦瓜芫茜,小妹覺得蝦皮中和咗苦瓜怪味,但煎呢個蛋餅要有耐性,因蛋好快熟,若一開頭用大火,蛋熟苦瓜片就未熟,要用慢火慢慢煎要金黃,同唔好落咁多鹽,煎好唔夠咸才灑少少胡椒鹽仲好,煎多幾次就會明我講乜架啦