泡菜肉碎

之前阿信屋做7折買咗幾罐泡菜,呢隻泡菜個汁好辣,但去掉個汁就冇咁辣,媽媽之前拍泡菜好辣唔食,但呢隻佢又得喎,但一定要去汁煮,加肉碎煮佢個汁超正,呢排天氣凍咗食佢飯都食多碗,我都怕我冬天會肥呀....

超好食香煎加拿大豬肉條

 

 

 

大家要認住呢隻豬肉條,係一田有得買,初初見佢係唔吸引我,因佢有一大舊肥肉係表面(如圖1),但有次冇我想買豬扒,咁抱住乜都試吓心態買嚟食,但一定要揀有雪花才好食,回到家又諗唔到點整佢,媽媽話愛食香口,咁我用炒香蒜粒同乾葱,蒜鹽,椒鹽,少少雞粉醃佢有半日,因佢有一邊係肥肉,我切成粒粒先煎肥一邊,見佢金黃再煎另一邊,再四邊煎一煎佢見金黃,我取幾粒比家人食,佢哋好大聲咁話超好食,由其係媽媽" 阿女,呢隻係我心目中想食豬肉啦...",真係咁堅,我又食一粒,真係好似食緊燒肉咁,係呀,我一邊煎佢肥肉那邊時真係聞到燒肉香架,我好怕聞到豬肉蘇呀,但呢隻真係一邊煎佢一邊聞到燒肉香,可能我係灑胡椒鹽醃佢,但家人話呢隻豬本身好,食落豬肉粒係爽脆,所以一定要揀有少少雪花(小妹己影吓我揀肉標準),同埋以我哋食了4次經驗嚟說一定要有一邊係肥膏才好食,因佢煎完肥膏油之後舊肉粒係超香,有次買冇肥膏係冇咁香架,我媽媽真係超愛佢,佢話仲好食過燒肉,怕唔係成日有得買,今天同我買定3盒係凍櫃隨時有得食喎,真係比佢笑c我,我哋第一次係就咁煎香嚟食,之後我變化吓伴煎香薯片同菠菜一樣咁好食,由其係菠菜用番煎出嚟豬油(用少少好啦),炒起嚟特別香架,大家有機見到買嚟試吓,有些太太話bbq用佢嚟燒真係正到冇得頂呀.

 

黑椒洋葱炆咸豬手

今次真係只有洋葱(2大個,炒至金黃色,要有耐性炒呵..)同原粒黑椒碎(喜歡辣加多d,少辣加少d),因見有餐廳提供呢個菜,好鬼正,咁又試吓就咁用呢兩樣,我加埋雪櫃仲有少少甘荀炆,個汁真係正到冇得頂,家人話個汁同隻豬手皮係精華,係呀豬手皮呀,炆到膠到漿住個口呀,正....我家辣椒的辣就不太接受,但黑椒的辣又可以喎,真係搞鬼,點都好就快入冬,呢個食完真係暖立立架,推介.
咸豬手加花椒,香葉出水約15分鍾,放涼,再慢慢煎至皮金黃,有點似燒肉皮就可,咁樣炆起香口好多,我煎咗約1小時呀,真係心機菜,另鑊加少少煙肉炒香洋葱,見金黃,留起一少份到尾15分鐘才加,咁想就可有少少洋葱食啦,加水蓋豬手一半,唔好加鹽,因隻豬手係咸架,唔夠咸最尾才加都未遲,唔係太咸想救都唔太好呀,個汁會冇咁好味,炆約每邊45MIN,焗1小時,再看係咁你想要效果,唔夠淋就炆多一陣.

白椰菜花煮雞

唔好以為白色椰菜花唔靚以為冇乜營養,佢預防癌功效好好架,我好愛佢爽甜,配上己用洋葱炆起雞一齊食仲正呀.

 

現代研究:

椰菜花含多量維生素 U、抗壞血酸、鉬等，又含硫蘿蔔素 (sulforaphane, SFN)，可刺激身體產生抗癌蛋白酵素。每日吃一百克，有助排除體內有害的自由基 (free radical)。 其維生素 U 比人工合成的為佳，故消化性潰瘍，以之食療，有緩解疼痛及癒合作用。 椰菜花可提高免疫力、延緩衰老、防癌、脊柱裂、心臟病、心血管系統病等症。 椰菜、芥蘭和椰菜花，都含有一種叫 Indole-3-Carbinol (I3C) 的東西。這是一種能抗癌的天然物質。根據來自密芝根州州立大學 (Michigan State University) 的研究報告，I3C 可以令乳癌的癌細胞自滅。他們的發現，與出自愛因斯坦醫學院 (The Albert Einstein College of Medicine) 的研究結果不謀而合。後者發現 I3C 在胃酸的影響下，會變成另一個化學結構。叫 di-indolylmethane，能令癌細胞自滅。除此之外，I3C 可以令乳癌細胞增加丙種干擾素的接受體，吸引大量的丙種干接素來消滅自己。這還不止，在最近出版的《國際癌症學報》(International Journal of Cancer) 上，馬里蘭州大學 (University of Maryland) 的研究員發表論文，宣布發現 I3C 可以抑制一種叫 Muc-1 的蛋白質。這蛋白質不是好東西，它位於細胞表面，能助乳癌細胞擴散。 椰菜、芥蘭和椰菜花對男士也有用，I3C 和它的生陳代謝物 di-indolylmethane，都可以使前列腺癌細胞自滅；同時亦可以抑制前列腺癌細胞增生。 此外，喜歡飲酒的人，最好也多吃些椰菜、芥蘭和椰菜花。原因是，酒鬼很容易有胰臟炎，而胰臟炎很容易化為胰臟癌，後者是一種擴散力十分厲害的癌，病人的生存率一般都很低。在 2004 年 2 月份出版的《抗癌研究學報》上，美國國立毒性研究中心的研究員發表了一篇報告，說胰臟癌的癌細胞會不斷製造一類叫 STAT-3 的物質，去刺激細胞增生。在這方面 I3C 再發神威，可以抑制 STAT-3 的出現。 當我們咀嚼椰菜花和西蘭花的「花」的時候，會咬破其中細胞，把一個叫黑芥子硫甘酸 (Myrosinase) 的成分釋放出來，再把糖芥子素 (Glucoerucin) 轉變為一個好的保健成分，叫硫蘿蔔素 Sulforaphane (SFN)。 燒焦了的肥叉燒有致癌物質，可被 SFN 中和掉。因此，每次吃肥焦叉燒，若不想患上胃癌，不妨同時吃「解藥」：西蘭花和椰菜花，攝取其中的 SFN。那麼，要吃多少？小小一碗，大概四安士便夠了。對一些已患有胃癌的病人，SFN 可以幫助殺死癌細胞，因為它一方面可以令細胞內一個叫 p2l 的成分激增，促使癌細胞自滅 (Apoptosis)；另一方面又能抑制組蛋白去乙先基轉移 (Histone DeAcetylase, HDAC)。HDAC 是一個幫助癌細胞製造遺傳物質的。一旦 HDAC 被抑制後，癌細胞就只能坐以待斃，被 p21 處死。不過，病人可得吃多一點：兩小碗才夠。 對什麼癌都沒有的人，多吃椰菜、芥蘭和椰菜花，可以「排毒」，幫助肝臟去化解致癌的物質。肝臟重要功能之一，原是中和可致癌的親電子物質 (electrophile)。多吃椰菜、芥蘭和椰菜花，可以維持肝臟化毒的功能。椰菜又含大量纖維，可以幫助通便。其實所謂排毒，原來是每一個人一生出來就會做的事：將廢物排出體外是也

魚肉豬肉蓮藕飯+紅蘿蔔冬菇肉碎牛肝菌飯

一定先把肉撻至起膠才伴魚肉蓮藕又再撻先可有彈吓彈吓蓮藕餅架,所以每次整呢個都好累,但值得,好味.

 

 

 

食到最尾一件才記得影相,哈.....

 

 

 

多汁香煎加拿大豬梅扒

 

真的要介紹呢隻豬扒,己食過幾次,次之前係食美國,但最近新出加拿大弓又試吓,食過幾次都係咁好食,不過小妹揀豬扒係有要求,一定要有少少雪花,唔係一定有咁禾香同多汁,你看下面圖,真係見到肉汁加,不過次次煎出嚟好快食晒,好在自己食緊時有影底,比你哋流吓口水先,同下面係我一直醃豬扒方法,用半隻蛋白塗上兩片豬扒,灑海鹽,蒜鹽加少少雞粉,黑胡椒,伴均塗上,在方煎香蒜片,葱段最好醃上一晚,至少都要6小時,煎前1小時塗上芥苿,大家要小心,我用呢隻芥未係有咸味,所以之前醃料要平衡番,我都試咗2,3次才調教家人最滿意口味.

 

 

番茄紫洋葱豬扒

真係比個網搞到頭都大埋,加埋現在咁天氣,心情不好更加炆呀,又唔知之前文章怎樣轉移.....................

兩樣配菜都係有益食材,夾埋豬扒件開胃又嘢味,係帶飯好食材.

 

 

鮑汁雞腳汁炆珠豆豬軟骨

 

 

 個軟骨位超膠質,張住張住咁,好過癮....

天去沙田總廚飲茶,要了鮑汁雞腳,個汁超超入味,又夠多,咁我想起家中有份豬軟骨,即打包回家炆,正到冇得頂,因個雞汁己好夠味,個汁係米線或烏東一流

自製日式叉燒

食拉麵都愛食佢叉燒,那碗大大麵伴着薄薄叉燒,非常之好食,常望着它是怎樣整,上網看有些做法又可以試試,但日式主要調味係味啉,清酒,日式醬油,有倆樣冇,咁就加改紹酒,萬字醬油,鏗魚醬油,日式味噌,冰糖整佢.
我係參考呢個網http://poohietiffy.pixnet.net/blog/post/91123886

炒香配料,下調味料,煮滾,放豬肉,細火30分鍾,關火焗15MIN,再開火煮30分鍾,關火焗至涼

我準備咗糖心蛋,當汁全凍,放蛋浸2-3小時,舊肉凍咗要雪佢2-3小時才切片.

因包得唔夠實,散咗少少

我哋配米線食,好正,父親話最愛食我整糖心蛋,今次可能個汁夠味同浸夠時間,佢話隻蛋超香.
總結,肉係夠味,真係食緊日式叉燒咁味道,可能我揀咗舊比較瘦肉,唔係好似日式餐廳的叉燒咁滑,不過自家叉燒係好淋的,家人話係過關的,會否同冇用味啉同清酒煮有關,若有大家有煮過呢味可否提供意見給小妹

香煎刀拍蓮藕蝦豬肉餅

前兩天煲蓮藕綠豆章魚湯,買開菜檔好好人,次次都比多我,咁煲湯唔洗用咁多,係街市買多半斤蝦,15元豬肉,就整煎蓮藕啦,菜檔auntie教我不要磨,用刀拍,咁樣煎餅唔會出水,仲食時可以保持有蓮藕水份,咁我又試吓.

豬肉(自家挆碎,會彈牙好多),蝦膠(加少少鹽挆至起膠),炒香乾葱,蒜粒,冬菇粒,調味:大地魚粉1.5湯(好愛它,加咗令食物增加鮮味),魚露,糖,麻油,鏗魚汁,半隻蛋,生粉,伴均,撻30吓,下放回碎蓮藕(我有用篩隔咗20MIN水份),伴均,先放冰箱30MIN,再放回下格雪至食飯前加葱粒,再煎熟,食得,慢用.


我強烈推介,上卓好快食晒.
唯一要改善係下次加多d蝦份量,咁就完美啦.
PS:手拍效果好好,我早上10時已整好,到晚上8時才取出加葱粒煎香,都冇出過水,好實淨,大家可以試吓.

法式生豬肉腸炒雞脾菇番茄

 

小妹好愛看外國飲食節目,有次意大利廚師用呢隻生豬肉腸炒菇菇番茄,我愛番茄自然會上心,係citysuper見有類似腸買,同最緊要佢係100%豬肉,父親都可以食嗎.30元有三條,又買回家買齊料玩吓,好正呀,我用番之前炒西芹蕃茄雞件咸香汁料炒,尾加少少芫茜,個意大利廚師最尾都係加自己種芫茜,妹妹話好野味,同呢隻腸好好食,番茄吸收腸香味好正,大家又係發覺番茄唔夠食,咁都得???不過要耐心煎生肉腸10MIN,因佢係生架,大家若見到試吓,好好餸飯加.

 

避風塘茄子炒芝士腸

呢個名係家人改,因真係好香口,係熱氣咗少少,但那天煲咗下火羅漢果馬蹄湯(會post),所以冇問題,同芝士腸有少少芝士汁流出伴着茄子好好食呀,一上卓好快ko晒.
先炸茄子,取起吸油,再回冇油鑊中加炸蒜粒,葱粒,煎香切件芝士腸,汁:少少鏗魚汁,少少燒汁,少少糖,魚露.,1湯水伴均就可

蘆筍肉片卷

好濕呀,濕到個人冇乜動力,不過比起繼續抗爭工人就小兒科,聽到他們工作情況真係好辛苦,希望有關人士快快幫他們,或有關人士代入他們工作感受吓,加薪\係應該,我要快快動起嚟