標籤

Google+ Followers

2013年11月5日 星期二

黑椒洋葱炆咸豬手

今次真係只有洋葱(2大個,炒至金黃色,要有耐性炒呵..)同原粒黑椒碎(喜歡辣加多d,少辣加少d),因見有餐廳提供呢個菜,好鬼正,咁又試吓就咁用呢兩樣,我加埋雪櫃仲有少少甘荀炆,個汁真係正到冇得頂,家人話個汁同隻豬手皮係精華,係呀豬手皮呀,炆到膠到漿住個口呀,正....我家辣椒的辣就不太接受,但黑椒的辣又可以喎,真係搞鬼,點都好就快入冬,呢個食完真係暖立立架,推介.
咸豬手加花椒,香葉出水約15分鍾,放涼,再慢慢煎至皮金黃,有點似燒肉皮就可,咁樣炆起香口好多,我煎咗約1小時呀,真係心機菜,另鑊加少少煙肉炒香洋葱,見金黃,留起一少份到尾15分鐘才加,咁想就可有少少洋葱食啦,加水蓋豬手一半,唔好加鹽,因隻豬手係咸架,唔夠咸最尾才加都未遲,唔係太咸想救都唔太好呀,個汁會冇咁好味,炆約每邊45MIN,焗1小時,再看係咁你想要效果,唔夠淋就炆多一陣.

2 則留言: