旺菜芹菜芫茜豆卜鱸魚片煲

 

凍啦,天氣凍啦,晚上真係要煲仔上先掂,今次買咗兩條鱸魚起肉,骨做湯,放魚片,菜,豆上一煲上就有湯有菜有湯飲啦....,但魚片都係要過一過油,取出再吸去油才放係湯上面咁先好食,但唔過油都可以的,最緊要啱自己口味.

冬菜芹菜肉碎丸肚魚粉絲煲

天氣凍咗好多,大家保重啊..呢排多咗煲仔上,因熱辣辣嗎,今次呢個丸九肚魚真係未整過,都係聽揀魚位太太教整,但煮完真係甜到爆,但九肚魚多骨,小朋友未可食用,但大人就冇問題啦,我家每人可食4-5條呀,但我最愛粉絲,吸晒九肚魚甜味,九肚魚打邊爐一流呀,大家見到要試吓

蒜椒鹽泥鯭

好耐之前整過,今日見有靚再回味一下,買咗8大條,4條椒鹽,4條蒸果皮一樣好食同嫩滑.

急凍韓國蠔芫茜炒蛋

 

我呢間759阿信屋有好多急凍食品買,蠔,蟹,蝦,帶子......,今次試吓買呢包28元蠔仔,好想試吓,可能我心急,做法係蠔解凍,出水,吸乾,芫茜切好,蛋中放芫茜加魚露,胡椒粉調味,下蛋芫茜落油鑊中,在係面回蠔仔,就係呢係做法錯咗,所以煎出嚟蠔冇咁香,我想應要先放蠔煎一煎金黃,再回蛋芫茜,應該會好食好多呢

又嚟煎鷹倉

今次有10元一兩鷹倉買,係我最想買size,好新鮮呀,即買,呢條要120元呀.但真係好值得,因好鮮甜,肉質嫩滑,下次若有平要試吓蒸先,現在想起都想食呀....

煎黃花魚仔

之前係小南國食椒鹽小黃花好好味,但唔夠喉,係街市見有海黃花魚仔,好新鮮,更係唔放過佢,以前多數清蒸,今次即刻想起煎佢,呢個鹽決定係正確,因真係非常之好食同香口,但唔可以常食,因好熱氣呢

蒸撻沙魚仔

 

 

有時真係唔知食乜魚,都係聽吓人意見,見好多人揀呢隻魚仔又試吓,撻沙魚我家唔鍾意食大條,肉質麻麻,但呢隻又好嫩滑,父親都話好食,有魚鮮味,5條要30元啦,大家見到試吓

 

 

 

10元1兩鷹倉尾

鷹倉魚真係好貴,原條多數15-20元兩,嘩,細細條已150-200元,怎食呀??今日見佢以街坊價10元兩買,係將大條魚分開三倍份買,見真係好想整比家人食,就買啦,呢條要150元呀,但真係好好食,佢有種特別香味,一點腥味都冇,父親話好食過乜班乜班,見佢食得好滿足呀,都值得呢,佢話而家班變咗質喎??煎真係好食過蒸架,好啦,老闆話手掌大少少原條仲好食呀,但預咗要200元,唔拍啦,又唔係成日食,老闆話若價錢合理會留番條比我,下次我會買原條煎過比你哋嘆啦

 

 

 

上海燻魚

係上海食店一定會食過,但自己好想整,佢個味真係好正,一定要有鹵水料味,因配合個炸魚好夾,係化學作用,家人話非常正,不過真係要即整即食,個魚皮好脆口架.

先煮個汁,用芫茜頭,炸薑片,蒜片,乾葱,老抽,黑糖,雞湯,五香粉半茶(若冇可加八角,桂皮)煮要滾,焗至涼,味道係要偏甜,帶少少咸香.

鯇魚用蛋黃,少少雞粉,蒜粉,胡椒,魚露,麻油醃半日.(不要醃過咸呀)

鑊中下1茶油,放葱粒,芫茜,炒香,下鹵汁,回魚件.

 

 可以收乾汁食,但我家人話半收乾會脆口好多,同d汁加埋魚件係好香,甜中帶咸鮮味,佢哋汁都伴埋食

看,我即時食,好脆架,個魚皮好好食呀.....................
我唔知正唔正中,我係憑自己在出面味道調出來的啊,家人都話係呢個味道就得啦,

四季豆炒桂花球片

 

 

 

本來買金鑪起片,但佢冇,咁轉桂花試吓,以前聽人話桂花炒得唔好會好"梅",同怕佢有泥味,所以好少食佢,但又好味喎,食落好滑同魚鮮味,可能係新鮮原條起肉,魚佬比多條魚骨我加埋桂花魚條骨我煮湯整冬瓜湯飯,咁又有兩個餸啦,個湯仲正到不得了,夏天食夠啦

encore--水煮大頭菜番茄芋絲連尖魚

 

 

 先炒香湯底,煎香蒜片,薑片,乾葱,芫茜頭,大頭菜2大片,加水煮至出味,下芋絲浸一浸.
自己經驗湯底比較要咸少少,因魚我係冇醃,咁煮出嚟條魚好入味架,我都係煮多幾次先煮啱口味,大家唔洗驚.就算淡少少都好鮮味架

大火煎香魚至半熟下番茄件炒一回,加1湯糖,回湯底,煮多2-3MN,見奶白色回芫茜葱食得,

鮮嫩野味--椒鹽泥鯭

係街市見到新鮮泥鯭,係其他魚檔不太敢買,因聽過泥鯭唔新鮮會生虫,怕怕,但買開魚檔對佢有信心,又試吓,一直都想整椒鹽,就用呢個方法,整出嚟媽媽大聲話好好味呀,好鮮甜,妹妹都話煎原來咁好食,又野味,因加咗自己整炸蒜粒,正....

 

 

蓮藕夾魚餅

 

 

天氣涼了好多,下星期會仲凍,前兩天回鄉探嫲嫲看她禦寒物品夠唔夠,那天看錯天氣,穿少咗,而且家鄉又濕又落雨,回家即昏睡,大家要保重身子,一病真係好辛苦.

探完嫲嫲同姑姑行吓街市,有好新鮮西芹,2元一斤,蓮藕又好靚,樣樣都買D重到肩膀cc下,但好開心,因好新鮮,因蓮藕多,有些煲湯,炒素菜,想整南乳排骨,家人現在不太喜歡食排骨,所以整咗小食,但都可以做餸架,係蓮藕夾魚餅,之前多數係拍碎蓮藕加魚肉,豬肉煎餅,今次想試吓用兩塊蓮藕夾魚肉,因見好多網友整過,又好食喎,剩咗好多蓮藕片,我又加鹽煎香做蓮藕脆片,好好食呀,鹽鹽香香脆脆,媽媽食咗好多,不過知蓮藕係燥熱,明天要煲番下火湯食先.