單骨鯷魚雞翼

最近好愛鯷魚,咁小妹樓下開了間759阿信屋,佢哋鯷魚平過citysuper,15元一樽,好底用,多數用嚟整番茄意粉,咁又想吓仲有乜好玩,見雪櫃仲有8隻雞翼,咁少,就分開佢一半,加鯷魚醃佢,當佢係魚露咁用,加少少糖,炒香蒜粒,乾葱粒,蛋黃1隻醃佢最少8小時(因試過醃4小時取出煎不太夠味),煎香佢食個個讚不絶,話咁想整好入味之餘仲有鍾魚香,現在係小朋友放暑假季節,呢個當小食超正呢.