選去小南國係因為佢樟茶鴨,食佢己係前幾年前事,今次妹妹話再想去食,看有没有改變.
佢係裝修過,因之前係有卡位,現在多了圓枱,我喜歡,感覺濶咗.
小芥係計人頭,我見5位以上多碟花生,但小妹又想講若唔想要可否取消,因見有些人士冇都食過,好浪費,同埋要比12元架.
我哋要二人套餐加其他餸菜
風味冷盤雙拼
茄子無問題,但排骨唔好食,佢己經好少,但最尾都仲有兩粒都冇人肯食??
時菜,椒鹽小黃魚
椒鹽小黃魚好好食,上卓時仲熱辣辣,又夠味,一點都唔腥.
干燒蝦球
以為係咸香,原來係酸酸甜甜,蝦球一點蝦味都没有,不太好,個汁好開胃.
金腿雲吞雞湯,湯夠味,雲吞好好食.
灌湯生煎包
呢個真係要讚,我哋係最後才食佢,但仲熱,一咬下,包內充滿湯汁,肉餡鮮嫩,一大驚喜,大家若唔係跟餐一定要叫嚟食
甜品,我哋係要二人餐,本應係上兩碗,但員工送上一人一碗,呢d咪叫做唔小家囉,雖然不太好味,但呢個做法令我哋好欣賞.
以上係二人套餐食(388元)
另取食物:
咸肉炒飯(78元),夠鑊氣,望見令立立,好似好油,其實係咸肉油份,飯要着咸肉粒食才夠味,不過份量唔係好多,女仔都夠,男士就唔夠喉.
上海燻魚,呢個好得意,佢係凍食,初頭食係唔覺夠味,我仲同妹妹話都冇乜特別啫,但伴着汁食係好夠,個汁做得好好,閒落魚肉係有好香煙燻味,當佢係零食都幾好架,唔怪得上海人係整定第二天都可以食.
上角嚟啦,值得等佢45分鍾,熱辣子辣,肉質嫩,連骨都好夠味架,不過父親話佢唔係鮮鴨,,我都知,而家邊有鮮鴨比你呀,但佢冰鮮都做得肉質嫩同咁多汁都要讚,我就整唔到,有些食物係要比人賺的
看唔看到有汁呀,同肉質好嫩架.
呢餐令我哋好滿意,因佢服務好,我哋唔懂分什麼係香酥鴨,上海醬鴨,同樟茶鴨係咪有分別呢,員工都一一回答,仲要笑住口,臨走妹妹留下雨傘,我哋己行到好遠,但員工好反應快追出,值得讚.
ps:大家有没有開新居,有就找吓小妹啦.
沒有留言:
張貼留言