甜心屋: 9月 2013

2013年9月30日星期一

黑松露煎帶子

我父親都好欣賞牛肝菌意粉,佢以為我整黑松露意粉比佢食,因上次整黑松露蛋佢己愛上,佢分唔出兩種味喎,因一樣咁香,咁我見家中有包帶子,咪煎埋佢,面放黑松露比佢嘆(係網友mable教我架,真係好正呀),咁佢嗰日食齊牛肝菌同黑松露,第二日問番佢鍾意邊隻味,佢又話唔記得啦,因兩種都一樣咁香咁好味,兩樣都愛喎...

呢隻帶子係759阿信屋買,原138,之前特價118,佢話係供生食,但我煎佢,每邊大火煎30秒至金黃,不過父親話食落口感有點粉,大家明唔明佢講乜,但我都覺佢帶子味唔重,唔通佢生食係會好點,有没有人食過呢隻,教吓小妹?或仲有没有底食又鮮甜帶子介紹比小妹,謝謝大家.

室温放涼2小時

要吸到好乾水

金寶特濃蘑菇湯牛肝菌意粉

之前整牛肝菌飯浸多咗,因想整牛肝菌意粉,呢個整咗幾次,但唔記得影相,所以冇法介紹比大家,今次的起心肝要介紹,因牛肝菌真係香到不得了,因之前要做點功夫,浸牛肝菌同水,呢兩樣一定要,有些人浸完牛肝菌,佢d水係唔要,但香味來原就係水,不過要過幾次,防有沙,若用生水浸,之後要煮一煮佢才可用.

因剩靠佢係唔夠味,我加多盒白蘑菇,一罐金寶特濃忌廉湯,因為我懶,唔想自己調教蘑菇忌廉汁,試過金寶特濃忌廉湯好夾,一直都係用佢,大家可用金寶卡邦尼汁,但我不太喜歡佢胡椒味太重,不太啱我.

炒香煙肉,洋葱,牛肝菌,白蘑菇

加佢

加牛肝菌水(約一罐份量),不用加鹽,因忌廉湯己夠味

食啦

2013年9月29日星期日

清熱潤肺---西洋菜生魚豬尾骨南北杏無花果果皮湯

天氣開始有涼意,大家出門要帶番件外套仔呢,免涼親,係街市見有西洋菜買,好想試吓煲生魚,加多少少豬骨個湯真係甜到爆,好潤,飲完唔怕乾燥天氣啦.

ps:西洋菜一定水滾才放,唔係會苦,係老人家教落的,果皮要凍水落,唔係煲起湯會燥的,生魚用熱水淋一淋個魚身,佢會有陣白色衣,用力刮咗佢,再煎魚至金黃,咁樣煲起一點都唔腥,記住呵...

魚肉豬肉蓮藕飯+紅蘿蔔冬菇肉碎牛肝菌飯

一定先把肉撻至起膠才伴魚肉蓮藕又再撻先可有彈吓彈吓蓮藕餅架,所以每次整呢個都好累,但值得,好味.

食到最尾一件才記得影相,哈.....

2013年9月28日星期六

椰菜大啡菇炒有機雞

買了盒大啡菇,本想就咁炒蒜粒,但係街市見椰菜好靚,家中有盒雞,咁就炒埋一齊有好夾喎,椰菜菜啡菇吸收咗雞汁好好食,又係帶飯好菜式,大家又試吓

2013年9月26日星期四

韓式蠔仔炒青瓜

係一田見佢有得試食,食過覺得好鮮味,佢就咁食都好正,有班男仔買辣味嚟送啤酒喎,我就買蠔油味炒青瓜,因佢個汁好正,加番少少鹽就可以提升佢味道啦

鮑魚鮮淮山煮雞

中秋節那天開咗罐鮑魚,呢隻鮑魚真係好掂,係網友mable介紹,之前買了數罐,呢日就用佢煮雞,佢個汁好鮮味,所以買咗淮山伴食,好正呀.

2013年9月25日星期三

日式味噌鮮淮山紅椒煮雞+蒜粒芽菜炒蝦仁

日式味噌鮮淮山紅椒煮雞食譜:

鮮雞/冰鮮雞半隻,用生抽,魚露,糖,少少鹽,生粉醃半日,不要醃太重味,因之後要加味噌炆.
煎香蒜片,薑片,炒香半個洋葱,取出,餘油煎香雞表面,取起,吸去多餘油,留少少油回蒜片,薑片,下1大湯味噌,2湯燒汁,炒香,回雞件,100ML上湯,細火炆10MIN,關火焗10MIN,食前下淮山　

2013年9月24日星期二

2013年9月23日星期一

非常專業--彭嘉麗

彭嘉麗係小妹中學時期喜歡歌手之一,卡拉ok常點她歌唱,以下同主席唱從不喜歡孤單一個都係常唱,可能主席有點緊張,彭嘉麗以專業手法打圓場,大家聽聽:
http://www.youtube.com/watch?v=hQ40MScCIzQCIz

2013年9月18日星期三

中秋節快樂

各位blog友中秋節快樂,這幾天小妹續篇Copy新網入到變咗熊貓眼,要休息吓,眼睛同腰都好累,大家進度如何,過節要休息吓,開開心心食月餅同賞月呢....

真的要介紹呢隻豬扒,己食過幾次,次之前係食美國,但最近新出加拿大弓又試吓,食過幾次都係咁好食,不過小妹揀豬扒係有要求,一定要有少少雪花,唔係一定有咁禾香同多汁,你看下面圖,真係見到肉汁加,不過次次煎出嚟好快食晒,好在自己食緊時有影底,比你哋流吓口水先,同下面係我一直醃豬扒方法,用半隻蛋白塗上兩片豬扒,灑海鹽,蒜鹽加少少雞粉,黑胡椒,伴均塗上,在方煎香蒜片,葱段最好醃上一晚,至少都要6小時,煎前1小時塗上芥苿,大家要小心,我用呢隻芥未係有咸味,所以之前醃料要平衡番,我都試咗2,3次才調教家人最滿意口味.