梅菜馬蹄水展肉餅

小妹挆肉餅一直都係用梅頭,因係媽媽教落,但唯一唔滿意係佢好大陣肉蘇味,我不太喜歡,有天見人買水展,多口問她係咪用嚟炒,佢話挆肉餅好好食架,一d都唔蘇架,不過水展唔好煲湯,蒸,炒,煮,煲粥會好d,豬肉老闆話煲湯浪費咗,水展蒸出嚟肉質鬆軟,咁我又試吓,蒸起媽媽問肉質同平時唔同,香好多同鬆軟好多,同我加咗個方法,係書學的,用薑同葱加熱水,壓一壓出薑葱水,攪伴肉餅時加3湯,分三次加,肉餅食起嚟好香口架,家人話要再encore呢個肉餅喎.