熱辣辣XO醬蘿蔔糕

 

\

以前多數係早上整定,晚上煎回食或蒸番食,但天氣凍自然想食熱辣辣,咁我早上整定所有步驟,切蘿蔔條同蘿蔔絲,蒸好好臘腸,冬菇,瑤柱,蒜片炒定蝦皮,用150上湯加xo醬煮蘿蔔條約10Min至收汁放涼,到食飯前2小時,(預蒸蘿蔔時間要45min-1小時,放涼要15min).隔出蘿蔔水伴好粉漿(自己家人係愛粘米粉同粟粉1:1份量),炒好所有臘味料,取出下蘿蔔絲炒香,下100上湯細火煮至出水(如圖4),回蘿白條,下調味,蠔油,生抽,黑糖,2湯xo,醬臘味料(呢個隨自己喜歡加多少)闗火,慢慢加粉漿至均勻,呢個不太懂說,做一次不成功下次就會自然調出自己軟硬度,小妹做咗幾年至今年才做得出家人喜愛淋度,但有時因買蘿蔔水多或水少而自行調教,所以看食譜時自己都要去判斷,才可做出自己喜愛蘿蔔糕呢,做一個蘿蔔糕真係用好多愛心才做到,食嗰個真係要用心食呀,上星期五天氣係比較凍,回家個個食到新鮮熱辣辣蘿蔔糕同蠔士瑤柱豬骨粥,得到家人讚賞,佢哋話好食過出面喎,我真係好開心架,己答應佢哋隔兩星期做一晚餐,但要提醒大家新鮮蒸出來蘿蔔糕即食會比軟淋,要放涼15min等佢水份散小小實番d,夾起上嚟比較好.

 小妹買咗3.5斤蘿蔔,上圖飯碗,係1:1份量,水多自己加多番少少粘米粉,想淋身D就加粟粉,自己衡量,做多幾次一定成功,食時仲好有滿足感