紅酒燒汁炆咸豬手

又嚟咸豬手啦,因真係好正,家中有半支平價紅酒,見blog友炆紅酒燉牛肉,咁我想消滅支紅酒,就用佢,但好得意,我開頭炆時個紅酒色係好淡紫色,唔知係咪炒洋葱唔夠金黃???所以唔係我心中深啡色,心諗或者炆起會靚呢,但炆咗2小時都係淡色,好唔開心,咁我靈機一動不如加老抽試吓,加咗2湯,又可以喎,都近我心中顏色,好在我係用水炆,唔怕過咸,加2大個洋葱,2湯芥末炆,炆起個汁家人話好正,係佢哋心中味道,但佢哋唔知我炆時嚇親呢,怕炆得唔係嗰個味道,好在亂咁嚟都成功,個汁真係好正,下次炒香d洋葱試吓先??