大家要認住呢隻豬肉條,係一田有得買,初初見佢係唔吸引我,因佢有一大舊肥肉係表面(如圖1),但有次冇我想買豬扒,咁抱住乜都試吓心態買嚟食,但一定要揀有雪花才好食,回到家又諗唔到點整佢,媽媽話愛食香口,咁我用炒香蒜粒同乾葱,蒜鹽,椒鹽,少少雞粉醃佢有半日,因佢有一邊係肥肉,我切成粒粒先煎肥一邊,見佢金黃再煎另一邊,再四邊煎一煎佢見金黃,我取幾粒比家人食,佢哋好大聲咁話超好食,由其係媽媽" 阿女,呢隻係我心目中想食豬肉啦...",真係咁堅,我又食一粒,真係好似食緊燒肉咁,係呀,我一邊煎佢肥肉那邊時真係聞到燒肉香架,我好怕聞到豬肉蘇呀,但呢隻真係一邊煎佢一邊聞到燒肉香,可能我係灑胡椒鹽醃佢,但家人話呢隻豬本身好,食落豬肉粒係爽脆,所以一定要揀有少少雪花(小妹己影吓我揀肉標準),同埋以我哋食了4次經驗嚟說一定要有一邊係肥膏才好食,因佢煎完肥膏油之後舊肉粒係超香,有次買冇肥膏係冇咁香架,我媽媽真係超愛佢,佢話仲好食過燒肉,怕唔係成日有得買,今天同我買定3盒係凍櫃隨時有得食喎,真係比佢笑c我,我哋第一次係就咁煎香嚟食,之後我變化吓伴煎香薯片同菠菜一樣咁好食,由其係菠菜用番煎出嚟豬油(用少少好啦),炒起嚟特別香架,大家有機見到買嚟試吓,有些太太話bbq用佢嚟燒真係正到冇得頂呀.
沒有留言:
張貼留言