之前整過南瓜濃湯好成功,用番個完理整薯仔濃湯,小妹一家好愛係街外飲忌廉薯仔湯,但就係怕佢落得太多忌廉,我不太喜歡,因我係不喜歡飲奶的人,總覺佢落咗好多,自己又試吓整,先切件薯仔(我呢個薯仔超大個用一個已有4碗)有有加1.5碗雞湯煮淋,再用大篩慢慢壓成薯溶,另鑊下1湯牛油(真係1湯己夠,因煙肉都有少許油出呢),下1片煙肉碎,1/4洋葱粒,炒香,落2湯麵粉伴均,再少少咁加水(約2碗)開稀,再回之前薯蓉湯,煮滾至自己喜歡稀杰度,再用壓薯仔器壓蓉洋葱粒,尾我加咗2湯濃芝士碎,呢個又係家人話要encore濃湯,因佢飲落一點都唔膩,薯仔好香濃,最緊要係乜都食晒,唔洗浪費食材,同少油少奶,健康好多,我媽媽一定要配蒜蓉包食喎.
呢個我都要試下先得, 街嗰D忌廉湯我又係唔飲嫁.
回覆刪除係呀,成日覺得碗湯白雪雪落咗好多忌廉,我都怕肥呀
刪除