芹菜白蘿蔔冬菇炆臘鴨

家人唔食得芋頭,所以試吓炆蘿蔔,得喎,好好味,因臘鴨咸咸地,帶起蘿蔔好嘢味,臘鴨出水一陣浸10min,取出切件,蘿蔔,冬菇,用冰糖,蠔油,少少上湯,水煮10min,回臘鴨細火炆15min,焗15min,再大火煮一煮收少少汁,食得

洋葱蘆筍燴雞脾

救命呀,小妹真係未仱試過咁凍天氣,凍到骨都裂埋...,好在今日早上都有時6度,下午去到10度,而家d飯送一上卓好快凍,所以成煲上,仲要快快手,咁食,呢個煲好好送飯,洋葱汁好快比佢哋撈汁食,天氣凍易傷風,食吓洋葱預防,大家保重呀

番茄洋葱白菇西芹汁煮雞脾仔

天氣凍,煮個番茄汁伴雞脾仔送飯,有汁有肉有蔬菜,蔬菜汁吸收雞脾肉汁香伴飯食正,

馬碲粒鮮尤瑤柱咸蛋黃肉餅

蒸起影得唔靚,好好食,家人有個咸黃剩一齊蒸好好味,因妹妺有點爇氣,加咗5粒碎馬碲一齊蒸,感覺好清熱,食落有咬口,正

炆雞腳鮑魚

有次炆好晒,但晚上有飯焗,留回第二天食,原來仲入味,個汁可以煮麵食添

點心代表---twinsstars

 

49元

59元

49元

59元

69元

轉新icon,又試吓,六,日會好多人,選星期一食佢11時開門就最好,但咁早都有排隊啦,早排隊可揀圓枱,得兩張咋,講番食物,個個枱面一定有部相機,因真係相機食先,揀主題食物,點心夠熱,但比較貴,流沙包有點失望,流出來唔係沙,係水,食落流沙有點假,no good.......,同個星星包一口漢堡,個包完全唔掂,硬......,包住件蝦又細,只係好睇唔好食,除了主題食物仲有期他選擇,唔一定要食佢主題,

 

點心代表-蛋黃哥

 

呢個好搞笑,有人插支筷子係佢口,之後流蛋黃口水出來,聽到好多笑聲.............

之前10月去the one點心代表食過呢個主題食品唔記得post,現在轉了twin star又會去食,再分享比大家

鮮腐竹豆漿杏仁醬洋薏仁糖水

買了樽打杏仁醬,香到不得了,要佢哋自己汁嚟飲又懶,咁不如我煮個糖水比家人飲潤吓仲好,用鮮腐竹,洋薏仁加水,冰糖煮到奶白色,加1支甜豆漿,2大湯匙杏仁醬,嘩,一邊煮家人話香到不得了,飲落仲香滑,可能有腐竹,豆漿,好啱冬天飲

變種番茄營養飯

見肥媽整番茄飯,又想整,但媽不愛番茄籽,所以之前出水去咗皮去籽先,放便好多,用咗三大個,留番茄肉同水,想飯多菜,炒咗半個洋葱,半條紅蘿蔔,3條茜芹粒,半碗肉碎,加上湯同水蒸,蒸起加條蛋伴均真係好食好多,正,