超焗天氣:三文魚骨蝦頭番茄湯麵+油泡豉油蝦

一直都想整三文魚湯,但有時怕家人話腥,咁我買些冇咁多油份三文魚,揀骨位,去掉肥位,加些蝦\頭煎香,芫茜頭,葱段,洋葱半個,蒜片,薑,番茄件去籽(因加埋茄汁水媽媽話太酸,大家可以架埋)1大湯味噌,加3碗水,大火滾5min,細火煮多10min,取出蝦頭,三文魚骨,煮湯麵伴食,家人激讚湯底好鮮甜,完全没有腥,由其父親,佢飲咗2細碗,好棒場呀

蝦身先油泡1分鍾,鑊少少油爆香乾葱,蒜粒,芫茜,葱粒,回蝦,汁:糖,生抽,魚露,收汁,調味係簡單,但係超鮮甜,咁樣油泡連蝦殼都脆架,不過大家記唔記得星期天天氣係超焗熱,真係熱到個人炆,我廚房係冇通風位,由其打風日子仲焗,煮完真係叫救命,全身水人,要即刻沖涼才食到,好在晚上落場雨,好點,但都係焗熱...希望唔再有呢種天氣,但見家人食得開心又值得呢