紅燒芹菜大魚頭

本來我係買鯇魚頭,咁我以為魚佬聽到咁我去買埋菜心才取,怎知佢切咗個大魚頭比我,其實係冇問題,但我揀鯇魚頭一來低食,個個都有得食,二來大魚頭比較貴,同唔知夠唔夠佢哋食,因平時我少食魚,係佢哋食,都冇法,佢都切咗,咪買多件豆腐,一大堆芹菜燒汁煎焗佢,好在家人夠食之餘話大魚頭好好食,由其係個魚雲,好啦,咁我兩者隔吓隔買啦,最緊要佢哋夠食同食得開心,我好開心係全煲清晒,連底下芹菜都食晒,家人話吸咗魚汁超好食,我買咗半斤多少少芹菜架,佢哋真係大食怪嚟架,哈.....................

大魚頭比較難熟,要先沾蛋生粉汁煎焗約15MIN,取出,炒香芹菜,煎香蒜片薑片,乾葱,回魚件豆腐,下酒,汁:上湯,蠔油,生抽,糖,蓋蓋,中大火煮5min,細火5MIN下芫茜,收少少油即可