第二b--提子酵素

係媽媽揀提子浸,又等14天,希望今次會起泡泡啦,期代

老少平安

妹帶學生去台灣大學團,咁我整番個父母愛吃,老少平安,淋淋地好好送飯,我媽話第時佢冇牙時要常煮比佢食喎, 但我話有牙都可以隨時食架,哈...

 

但我真係唔平安,話說我煲滾盤熱水想淥吓碗,但又做緊其他嘢,一不小心淥親隻手指,盤水好熱架,機乎淥熟隻手指公,痛到我喊咗一陣,第二日佢起好大水泡,但唔可以陏動方便,希望快快好啦,

 

蛋黃汁煎小黃花魚

現在煎魚好愛沾蛋黃汁,煎出嚟不但色靚,仲多份鮮香,因好多時用蛋白整蔬菜餅,剩下蛋黃,第二日就會煎魚架啦.

蛋汁煎五花腩片

 

前天鹵定五花腩,雪凍第二天切片沾蛋黃汁煎香,食得,男士好香口話可以送酒喎

楊桃酵素????????

 

過了15日才記得,但好奇怪,佢一直冇起泡,咁我以為壞咗,好失望想掉,但媽媽幫我隔汁,加水飲吓,佢話好好食飲喎,味道都有變壞,,d生果又冇發毛,好靚,咁即係成功啦?????大家可否比意見小妹係咪成功成失敗呢...

下火---紅衫魚芥菜煲

看到佔中新聞實在令人好心痛,大家火氣太大,不如飲啖芥菜湯下吓火,買咗4條紅衫魚煮個湯煮芥菜,個魚好新魚,煮完湯食番一樣鮮甜,有湯有魚食,一煲搞掂

香煎芫茜葱魚肉+苦瓜蛋餅

好想香口嘢送白粥,就呢兩樣啦,有菜有魚,又搞掂一餐...............

牛大力淮山粟米紅蘿蔔馬蹄豬骨湯

牛大力湯每兩星期都會煲一次,對腰骨好好,家人好愛飲,好甜.

豉油雞

黃薑飯加豉油雞,家人話正呀

黃薑粉肉碎芹菜粒洋葱蛋炒飯

之前炒過一次,妺妹好喜歡,今次加埋芹菜粒肉碎,佢話仲正,帶飯回校時食同事話好香呀.

生魚生班紅棗無花果花旗參湯

自開學妹妹工作超多,8時多回來食飯又要改......,仲要處理埋學生情緒問題??有時1時至睡,6時又要起床回校,做學生時都唔會體會老師辛勞,眼見妹工作之多才回想,希望她的學生能生生性性,這就時老師回報啦,我只可以煮多點她愛食同湯水給她,呢個湯係捱夜湯水,飲完精精神,10月1日又要帶學生去台灣去看大學學校生活,冇晒自己時間,真係忙忙忙,

忌廉汁伴雞件

家中有包忌兼意粉汁未用,咁我想多汁,用洋葱,西芹粒,白菇加麵粉煮個底汁,加埋個包汁就搞掂,咁樣煮個汁仲多份好香洋葱甜,煎埋雞件放係面,伴意粉或飯一樣好味,仲有一碗汁剩媽媽第二天伴法國包食.

 

搶閘蘿蔔糕

 

\有天媽媽話好想食蘿蔔糕,佢喜歡好軟淋淋,好似酒樓蒸蘿蔔糕口感,所以要多粟粉加一半粘米粉,咁蒸出嚟就係好軟淋淋,如上圖,但呢種唔煎得,因係好軟,只宜蒸起食,同又有一條條蘿蔔感,佢食唔停口,而且現在蘿蔔己好靚,又重手,好甜,食佢唔洗食飯啦,我煲粥送蘿蔔糕食,正

乾煸四季豆

雞翼好夾四季豆食,好match.

最受歡迎食物---鹵水雞翼糖心蛋

每次出埸都係最快清晒,但我最愛佢個汁伴飯食,好正,剩下留明天煮蝦子麵雞翼生菜食,正正正

小食---苦瓜紅蘿蔔芹菜煎餅

 

我好愛食韓式煎餅,但冇用韓國粉,係自己調,1隻蛋加日式小麥粉,容易整,又可加自己愛蔬菜,肚餓時常常想念它

黃薑粉洋葱煙肉蛋炒飯

一直都知道黃薑粉有益,但唔係好記得用佢,前天看報紙佢好處多多,上網再看

薑黃又名黃薑、春鬱金、黃絲鬱金或寶鼎香，是中藥處方常用本草之一。

 薑 黃 具 活 血 及 止 血 的 功 效 ， 能 加 強血 液 循 環 ， 消 除 血 脈 瘀 滯 ， 如 治 月 經 不 調 之 效 ； 同 時 又 可 收 縮 血 管 、 縮 短 凝 血 時 間。

性味﹕ 辛﹐苦, 香﹐性溫。

功能： 行氣破瘀﹐ 通經止痛。主治風寒肩臂﹐ 腰背疼痛﹐ 血滞胸腹脹痛﹐ 失心癫狂﹐ 熱病神昏﹐ 吐血﹐ 衄血﹐ 尿血﹐ 血淋﹐ 婦女倒經﹐ 黄疸﹐痛經﹐跌打捐傷﹐ 瘀血腫肿痛等治﹐胸腹脅肋諸痛 。

現代藥理﹕

1.降血脂作用

2.抑制血小板聚集和抗血拴形成

3.保護心肌缺血性損傷

4.保肝作用

5.利胆作用

6.通經止痛

7.抗腫瘤

8.抗炎作用

9.抗 氧 化 作 用

10.促 進 酒 精 代 謝

11.抗病原微生物,

12. 抗病毒
https://hk.knowledge.yahoo.com/question/question?qid=7006081902990
copy自

因對家人身體好,又買咗支有機黃薑粉,即刻用嚟炒個飯,今次落多咗,原來唔洗落太多,家人都話好食,下次要用嚟炒菠蘿肉鬆蝦仁炒飯,係媽媽要求,佢愛食菠蘿呀.

紅燒芹菜大魚頭

本來我係買鯇魚頭,咁我以為魚佬聽到咁我去買埋菜心才取,怎知佢切咗個大魚頭比我,其實係冇問題,但我揀鯇魚頭一來低食,個個都有得食,二來大魚頭比較貴,同唔知夠唔夠佢哋食,因平時我少食魚,係佢哋食,都冇法,佢都切咗,咪買多件豆腐,一大堆芹菜燒汁煎焗佢,好在家人夠食之餘話大魚頭好好食,由其係個魚雲,好啦,咁我兩者隔吓隔買啦,最緊要佢哋夠食同食得開心,我好開心係全煲清晒,連底下芹菜都食晒,家人話吸咗魚汁超好食,我買咗半斤多少少芹菜架,佢哋真係大食怪嚟架,哈.....................

大魚頭比較難熟,要先沾蛋生粉汁煎焗約15MIN,取出,炒香芹菜,煎香蒜片薑片,乾葱,回魚件豆腐,下酒,汁:上湯,蠔油,生抽,糖,蓋蓋,中大火煮5min,細火5MIN下芫茜,收少少油即可

煎焗雞鎚

新增說明文字

細細隻,好味又好食,快d攞隻食啦......

蒜粒冬菜芹菜粒蒸石班尾

魚老話石班尾蒸出嚟係好滑滑架,上面要100元呀,但見家人食得開心係值得的,同埋食石班最正係塊皮,超多膠質,好似食花膠咁,所以我間唔中都會蒸比家人食,芹菜係可降血壓,之前父親有少少血壓高,家中會常備整比家人食,今次切好細粒,加冬菜蒸,石班好鮮味呀,但我最愛佢塊皮呢,食完皮滑滑呀

芝士腸鯷魚番茄醬煮音粉

平日多食飯,有時間唔中食吓番茄意粉好正,番茄汁用咗3大個番茄,2大湯茄膏,4條鯷魚,一條煙肉煮汁.一直都係用呢個方法煮汁,次次都食到停唔到口,哈......

煎焗雞脾仔

雞脾仔我係用開一田穗香雞脾仔,之前整過蒸荷葉,鹵水,今次試吓煎焗佢,係之前用味噌,魚露,鹽,糖醃佢,食煎沾蛋黃粉漿煎焗,先大火煎封表面,再細火煎焗約15MIN,開蓋大火煎香表皮,就有照燒雞個香脆皮感覺,煎緊時妹妹己話好想快點食,因好鬼香,可能我用蛋黃粉漿,煎出嚟雞件特別香,連雞皮都香口過人,因煎佢時己煎晒油份出嚟,食埋都唔怕.