祝大家聖誕節及元旦日快樂

祝  聖誕節及元旦日快樂
嚟緊又凍啦,開開心心過節日時都要保重身子啊,happy...........

芽菜仔紅蘿蔔蛋絲炒蝦子麵+白果蠔士乾貝豬骨粥,煎薯絲餅

天氣凍就想食炒麵同粥,家中仲仲兩個薯仔,我想整熱辣辣薯餅,全部刨絲加少少鹽,(唔係即刻就唔好加鹽,因好易出水)煎成餅狀,約煎10min到,唔好心急,要慢慢煎佢,呢種食落口感係淋滑,外脆內軟綿綿,好保持到食落熱辣辣感,係家人意見,天氣凍要想出能保持熱食物呢..大家又試吓.

菠菜伴香煎五花豬腩粒

看,要買呢隻雪花食落先會鬆化架,我家人食上癮,仲好食過燒肉呀.

又買到我愛食加拿大五花豬肉條,我喜歡切粒煎,煎香取出多餘油份炒菠菜,成煲熱辣辣上,正

木瓜鮮百合雪耳南北杏糖水

上星期天氣乾燥,煲了木瓜糖水潤一　潤,因有鮮百合,冰糖份量可以減少, 鮮百合溶晒仲有份清甜香味,正

新鮮牛大力栗子紅蘿蔔雪耳無花果豬骨湯

天氣凍了行多,老人家腰骨開始會風濕骨痛,係芳姐湯水中有呢個湯可copy自芳姐:"新鮮牛大力有清熱潤肺,止咳,强筋活絡之效;栗子有 [腎之果]之稱,能補腎壯腰;無花果含鈣量是生果中排位很高的;配合豬尾骨煲湯,對骨質疏鬆,腰膝痠軟者很有幫助."

我自己加埋雪耳,個湯仲潤,媽媽話超級好飲,現在天氣我會一星期煲一次給家人飲,佢哋話飲完腰骨真係鬆咗好多喎,咁就好啦,但我推介新鮮牛大力好過煲乾品,香好多架,但就貴少少,我呢度買咗35元,8兩,最緊要自己鍾意.

支持清宜BB

好愛看TVB爸B也PGRADE,也知道好多人都會覺得清宜公主病,但單看呢幾集就定她好唔公平,我覺得清宜只係擁有小孩純真,就因為咁她不會掩藏自己性格,表露晒出嚟,但清宜有樣好處,肯聽大人話,當她冷靜下來會反省同道歉,我家人即刻大聲讚賞清宜,仲叻過有些大人啦.....,到父親問她知道自己有乜錯她都可以講得出,最後一集她係有做錯,但清宜好快就同朋友仔道歉,你話,她只係小孩子,大家咁想話她係咁對她好唔公平,應該多點鼓勵她,節目中其他父親同囡囡都做得好好,不斷鼓勵清宜,同教囡囡原諒朋友仔,好好,讚,大家將心比己,如果係自己囡囡比人咁話你哋會有乜感受,希望大家鼓勵清宜,而唔係不負責任咁評理一個未可抗議可愛BB呢....

黑魔芋絲蒸懵仔魚腩+軟綿綿乾貝粒芹菜粒懵仔魚骨粥

呢個粥底係看笨b媽　網學,記咗入腦但冇整過,今次買條懵仔魚腩魚佬搭咗份懵仔魚骨比我煮粥,突然記起苯b媽媽煮綿綿粥底做法又試吓.真係得架,

水滾落己醃粥同乾貝粒約20粒,不斷中大火煮.

煲咗30分鍾

煲咗45分鍾己見好綿啦

我關火焗佢15分鍾,

 

 

看好綿呀,我即刻比媽媽食,佢話正到不得了,又綿又滑,仲有淡乾貝香,個粥底千萬不到落鹽,因係粥底,仲要加魚件己夠咸味

 

 

 

看呢碗係我的粥,因上星期好凍,一上卓就每人食緊一大碗,唯有影自己啦,同埋加芹菜粒係粥真係好正,家人話次次都要有喎....

 

                                    
呢碟就係蒸黑魔芋 懵仔魚腩 ,本想蒸粉絲,但成日蒸好痭有新意,又玩吓呢盒黑魔芋絲,又得喎,仲好入味,同仲有益啦,                                

 

紫洋葱炒龍鬚豆

我鍾意食龍鬚豆,因佢炒極都咁脆口,四季豆都好食,不過就多數淋身,我加紫洋葱炒好夾味,大家可以唔加,因洋葱有益,想多數係唔同食材加洋葱可以令家人食到,每日一定用到半個至一個,有時用白洋葱,有時用紫洋葱,總之家中雪櫃一定有齊呢兩隻洋葱,唔知係咪咁父母親到現在都唔覺有感冒,好感恩,大家又試吓少少咁加洋葱落食材,起碼唔會食壞人嗎.

炒龍鬚豆我唔會出水,係生炒,灑酒,上湯,蠔油,少少xo醬,糖炒約8-10分鐘,試食至自己喜歡口感就可,聽老人家話豆類一定要熟,唔係會中毒.

西芹雲耳番茄雞煲

天氣凍,一煲有齊想食嘢,冬天家人特別想食有汁伴飯菜,我炆雞多數用一個洋葱嚟炆底汁,所以個汁好正,加埋番茄,咁就唔會滯啦....快d襯熱食,唔係凍晒架啦...

嫲嫲靚湯---蟲草花螺頭白果南北杏蓮子百合雪耳紅蘿蔔豬尾骨湯

之前煲螺頭剩下2個用嚟煲比嫲嫲飲,等佢滋陰潤肺吓,呢個湯煲起係好清甜,因嫲嫲唔可以飲太咸同太甜,但家人一樣話好飲,同好潤,希望嫲嫲飲完越大越靚女啦....

燒汁鯖魚

去親日式食店媽媽都愛食燒汁鯖魚,係家多數就咁煎,今次試吓用自製照燒汁燴佢,家人話呢個方法正呀,真係似十足日式店整燒汁,不過我冇加味啉,因不想為咗佢買一支,但個汁真係得加,你哋又試吓.

鯖魚早上急凍,用半湯味噌加少少麻油伴均,塗抺在魚兩面,不要太咸,只係比底味條魚,鑊下少少油,下兩條葱段,魚塗少少生粉,魚皮先煎,約至兩面少少金黃取起,不用煎熟,因仲要燴,鑊中留少少油爆香乾葱,回鯖魚,下汁:2大湯黑糖,1湯老抽,加至上湯200ML,煮至收汁回葱粒上卓.食啦,我個味係少少香甜同咸,大家唔夠咸再自行調教,呢個味家人話好正同魚好滑.

牛大力栗子粟米紅蘿蔔蓮子百合響螺乾貝無花果豬展湯

呢個天氣好多時父母都會腰骨痛,間唔中都會煲吓牛大力湯比佢哋飲,牛大力煲起嚟唔會有一大陣怪味,新鮮牛大力好香架,不過近期比較貴,我呢度8兩都要49元呀,但冇法啦,新鮮好過乾,加埋響螺同乾貝個湯超鮮甜,仲有栗子(買咗半磅)香,媽媽話正到不得了,同好潤肺,大家又試吓.

 

旺菜芹菜芫茜豆卜鱸魚片煲

 

凍啦,天氣凍啦,晚上真係要煲仔上先掂,今次買咗兩條鱸魚起肉,骨做湯,放魚片,菜,豆上一煲上就有湯有菜有湯飲啦....,但魚片都係要過一過油,取出再吸去油才放係湯上面咁先好食,但唔過油都可以的,最緊要啱自己口味.