xo醬炒蜆

 

一直都想玩炒蜆,但最怕係蜆肉吐沙呢步,今次有時間,早上見魚佬有蜆,好新鮮,佢用開心價比咗3斤我玩,回到家照網上朋友們說用鹽水浸佢,再用碟蓋住,話蜆肉係黑暗環會易吐沙,又試吓,,浸咗佢3小時再換清水浸多佢1小時,煲漐水,放蜆,等佢開口即取起,因我怕佢有沙,再每一隻用食水過一過,跟住可以用大家想炒調味一炒起食用,
呢隻蜆肉真係好大,好爽口同甜,以3斤來說只係有10多隻有好少少沙己算係咁,但有冇一隻更好方法可以確保完全冇沙,同我咁樣去沙方法是否正確,同有没有一隻蜆係冇咁麻煩的???希望大家幫吓小妹.
不過講番我用xo醬炒真係好野味,雖有超級好少部份有沙,但都全部好快清,佢哋都話值得再食,不過下次我唔會要咁多,因處理佢過程要好有耐性,今次真係自己攞嚟搞,父親食得最多,佢話呢碟係心機菜喎??不過見家人食得準準有味都值得的