嫲嫲靚湯--蟲草花茶樹菇粟米紅蘿白南北杏無花果豬展湯

 

 

 買咗包茶樹菇煲比嫲嫲飲用,佢有好多益處,配蟲草花一齊煲味道好香,佢可配其他菇如:猴頭菇,舞茸....等都可以,好好飲架.

蟲草花有滋肺補腎護肝、抗氧化、防衰老、抗菌抗炎、鎮靜、降血壓、提高機體免疫能力等作用。茶樹菇營養豐富，蛋白質含量高達19.55%。人體必需的8種氨基酸含量齊全，並且有豐富的B族維生素和鉀、鈉、鈣、鎂、鐵、鋅等礦質元素。
茶樹菇性甘溫、無毒，有健脾止瀉之功效，並且有抗衰老、降低膽固醇、防癌和抗癌的特殊作用。茶樹菇清甜，加上蟲草花甘香味美，補而不燥，適合夏天飲用

 

鯷魚番茄意粉

最近多咗整番茄,因媽媽上個月成日話眼睛好似有陣膜咁唔c服,請教朋友話食多點番茄有幫助,仲要係每次煮番茄都有時加進番茄膏,因有茄紅素,但唔知係咁真,不過番茄有益又信吓,咁所以我不斷想好多番茄食材,隔日用新鮮番茄,洋葱,番茄膏,煮個番茄溶比佢伴飯食,2大個一家人都食到,仲好好伴飯,好有益,番茄炒蔬菜(呢個就加唔到番茄膏),有時番茄加大頭菜,芫茜頭煮湯底比佢下午加通粉食,呢個好正,真係就咁三樣食材己夠味,有時妹妹晚上都會叫我整嚟食,佢咁奄尖都話好食,上星期媽媽說她眼睛好番晒,完全冇晒阻隔,咁就好啦,有次係電視教呢個食材,好啱我,又方便又簡單,最緊要係健康又好好味,鯷魚即外國咸魚,我係citysuper買細盒只係22元,一次過用晒,所以番茄醬不用加鹽,只加多條煙肉提味,煮起仲有陣好鮮味道,好正,但我家喜歡最尾加芫茜碎,好鬼夾味加,大家試吓.

炒香洋葱,鯷魚,聞到鯷魚鮮味下煙肉粒,新鮮番茄,2大湯番茄膏炒香,煑20MIN成番茄醬,另開始煮意粉,伴埋一齊加芫茜碎食得.

生炒白蘿蔔條炒豬肉金菇卷

小妹最近愛上呢個炒法,因食落爽甜,不過係炒時間長d,炒咗30分鍾,因要用細火加上湯炒至入味,一見乾水要加少少上湯,全程我係企係度架,唔係會怕燶,但好好食,少時煎香肉卷,到蘿蔔條炒起至自己口味回,豬肉卷,加調味:蠔油,糖,鏗魚汁,水分,生粉,尾回芫茜葱(可以唔加,不過我哋好愛呢陣味)

 

encore--水煮大頭菜番茄芋絲連尖魚

 

 

 先炒香湯底,煎香蒜片,薑片,乾葱,芫茜頭,大頭菜2大片,加水煮至出味,下芋絲浸一浸.
自己經驗湯底比較要咸少少,因魚我係冇醃,咁煮出嚟條魚好入味架,我都係煮多幾次先煮啱口味,大家唔洗驚.就算淡少少都好鮮味架

大火煎香魚至半熟下番茄件炒一回,加1湯糖,回湯底,煮多2-3MN,見奶白色回芫茜葱食得,

絲瓜紅蝦豆卜魚肉

治喉嚨不適---青欖紅蘿蔔粟米南北杏無花果豬展湯

妹妹因要講課常喉嚨不適,請教芳姐,本提供青欖青蘿蔔粟米南北杏無花果豬展湯,同要焗牛蒡茶,但妹妹不喜歡青蘿蔔,咁轉紅蘿蔔,一樣好味,好潤喉,飲咗兩天同keep住每天焗牛蒡茶, 好番好多.

xo香煎新鮮鮑魚+澳洲和牛腱(超好食)

 

去太興食嘢時媽媽想食原隻鮑魚泡飯,我見個價錢非常唔低食,咁我話不如我買d鮮鮑煎比你食啦,己說咗好耐啦,今次的起心肝實行,又好彩魚佬有非常生猛鮮鮑,隻隻係郁架,當然又係用底食價比我啦,我用xo醬做汁料,嘩,食到媽媽開心到飛起,父親同妺妺係咁話好正呀....,咁佢又唔貴,11隻收我60元,真係啖啖肉又鮮甜,咁我間唔中整比你哋嘆啦

南乳雞翼伴炸蒜粒乾煸四季豆

 

 南乳雞翼真食極都唔厭,好鬼野味,伴埋乾煸四季豆好夾,最近好愛咁樣整四季豆,家人話咁食好甜,我係用易潔鑊落油,中大火至油熱,放四季豆一時大火,一時細火煎,間唔中抛吓佢,過程約2MIN,你會見佢有少少金黃,取起,吸油,再炸蒜粒,取起,煎好雞翼取起,抺乾淨鑊,不用落油,回四季豆,炸蒜粒炒熱,落1.5湯鏗魚汁,至收汁伴在雞翼旁食,家人話咁樣食超級夾加,
醃料:南乳,少少糖,魚露,生抽,炒香乾葱,蒜粒,芫茜粒,麻油,生

 

pizza express

 

 

 菠菜薄餅,好食,番茄,菠菜,半熟蛋,芝士夾埋一齊好正.$138

意式拼盤$78
係媽媽指定要食,佢好鍾意咁想食架,有時自己買份呢種拼盤加個法國食架.我最欣賞個炒至焦糖式洋葱,非常夾,自己正嘗試炒嚟食.
仲有係海鮮意粉,冇乜特別,冇影,又貴$115.....pizza好食好多.

紅蝦仔炒西芹

一有時間好喜歡去魚檔有什麼新玩意海鮮,今次他介紹紅蝦給我,佢話唔係成日有,話買回家炒西芹,瓜菜,白焯,或去殼留蝦肉炒其他食物好鮮甜,買一斤都係30元,我見好多人見到佢諗都冇諗要一斤,有的要兩斤,話買回家留肉可第時炒蛋,好好食喎,講得咁好,我更係試吓,佢係好細隻,紅色,家人仲話細隻蝦有沙架喎,咁我話試吓啫,又唔係貴,唔好食下次唔買,結果...個個爭住食,父親話估唔到咁鮮甜,一d沙都冇,仲好食過大蝦,妹妹話佢鮮甜度泊得住去日式店食生櫻花蝦,我最愛食西芹,吸收晒蝦鮮味,我炒咗半斤咋,仲有半斤隔天炒番西芹,非常之夾,大家見到買嚟試吓.

 

樣子係唔好看,但肉質好好架,呢度半斤,仲有半斤係凍箱.

番茄菠菜炒蛋

 

曾經看文章話番茄配菠菜係好夾味,好上心,因好健康,好合家人食,前幾天食pizza要咗個菠菜pizza,好好食,佢都係底部係番茄醬,面係菠菜,再加個糖心蛋芝士碎焗,咁我第二日用番呢三種材料,真係好夾架,番茄係可以去咗菠菜怪味,呢碟又係好快清晒,家人話好喜歡食,要encore,大家一定要試吓.

先焯菠荣30秒取起,榨乾水份,切細段,加魚露,少少糖,黑胡椒,伴一伴,番茄出水,去皮去籽,2隻蛋內加少少魚露.
下薑絲炒香,下回番茄,曬少少鹽,回菠菜炒一炒,下炒香乾葱碎,芫茜碎,下蛋液上卓.

自製母親假日意式午餐---蒜包伴番茄芝士巴碼火腿

 

 上兩星期妹妺帶我哋去食pizza express,媽媽最愛係個意式拼盤,見假日去一田有一分分芝士粒,巴碼火腿買,都好大份,58元,唔貴再買多個蒜蓉包,即刻整比佢品嚐(不過唔知好唔好食架??)

我冇焗爐,先番茄切片,煎熱一面,反面,熱那面放芝士,蓋煎5MIN,芝士溶即可,再煎熱蒜容包取起.

食得,問媽媽好唔好食,佢冇答我,係咁笑,係咁食,之後話可以整多份比我嗎,話好滿足呀,因陶醉緊冇答我喎

 

嫲嫲靚湯---白鰂腐竹粟米雪耳芡實淮山海玉竹白果無花果湯