彈吓彈吓骨膠原---南乳味噌炆豬手

凍水出水,係何太教的

天氣涼涼地,又想起豬手,呢隻約55元,今次買新鮮的,因炆南乳,加埋日式味噌,蠔油,同1湯大地魚粉,一片香葉,八角,一盒豬骨湯,水同坟,因之前高速煲壞了,唯有用傳統方法炆,炆1小時,焗一小時,重 覆一次,焗多1小時再食前炆多30分鍾,咁就真係有"彈吓彈吓骨膠原食啦"真係得呀,件件都炆得好透,食完全枱骨,好過癮,但真係唔急得,焗好緊要,唔可以c炆,大家又快點整彈吓彈吓骨膠原啦

節瓜百合蠔士豬展湯

呢個湯嫲嫲好愛食,百合溶晒好香甜潤肺,加埋蠔士好下火.

荷葉蒸臘腸冬菇杞子黃油雞

係一田咁啱有半隻黃油龍江雞買,涼涼地天氣就會想食荷葉雞,有汁有雞食,好暖肚.

味噌蒸粉絲芹菜粒九肚魚

父親常說北風起又多魚食,九肚魚是他至愛,我不太懂食,但其他家人識食,買咗2斤蒸都食晒,我唯有食吸收精華粉絲,正正正

蠔士乾貝仔尤魚蒸肉餅

呢個係係書中學,覺得好過癮加蠔士,又試吓,真係好味喎,因我全材料都係海味類,所以好鮮,我加咗5粒浸過蠔士,加多加少好隨意.

嫲嫲靚湯==鮮百合馬蹄白果瑤柱仔豬展湯

天氣乾燥,煲個潤肺清甜湯比嫲嫲,呢個以前煲過,不過冇加白果,鮮百合比較貴,但佢鮮甜味係乾貨冇的,嫲嫲好愛飲

粉葛鮮淮山紅蘿蔔蠔士南北杏豬骨湯

粉葛湯我好愛飲,就算冬天都會間唔中煲呢

happybirthday to sarangchoo 3 year old

超級滑滑--蒸味噌獅頭魚仔

一有獅頭魚又一定會買成斤食,但有種魚又係細條,不過係海黃花仔,一樣好食,但兩者我首選獅頭魚,因真係太太太滑同好鮮甜呀,,煎,蒸都好食,但有人係唔愛食,因太細條,但就係細條至滑呢,不過佢唔會幫你去鱗去肚,要自己整,但為咗食好嘢就自己整啦,現在己好熟手啦.有機會見少少試吓.

 

我現在蒸魚愛用味噌,係炒香蒜,乾葱,少少薑絲,伴1湯日式味噌,少少糖,放面,蒸起好鮮甜,

薄釀魚肉蓮藕片

 

呢個好食,但最好即煎即食,又脆又香,所以我一邊煎家人一邊食,哈

香煎白鰂腩

白鰂尾用嚟煲芥菜湯,個腩切起煎香係超好食,佢尾多骨易煲湯,腩係大骨,容易食,現在多數買兩條一魚兩用,煲湯加煎香食,煎前沾蛋黃汁煎仲香口提鮮味,大家真係要試吓

西式炆咸豬手

天氣開始涼,又係時侯食豬手啦..............

出水30MIN

煎香豬手金黃,約要45MIN架,辛苦菜

煎好啦,放一放涼

 

 

炒香洋葱,紅蘿蔔,西芹,煙肉,水,細火炆1.5小時,間唔中番一番轉,炆到自己口感淋度就可,又係最正塊骨膠原同個汁,精華所在.

日式味噌蒸倉魚仔

倉魚唔係隻隻都好食,但一但新魚就超正,今次感覺佢新鮮,買嚟食吓,本想煎,但自己熱氣,改蒸,用家中盒味噌,加炒香蒜粒,乾葱伴均放面蒸,嘩,鮮甜到不得了,好夾味噌香味,家人都話今次超好食,不過都係碰巧,有時以為佢新鮮怎知食落係"梅",今次好滿足,但好貴,為50個大洋.....

蒸深水泥鯭

食粥送深水泥鯭 ,正

紅衫魚芫茜皮蛋豬骨粥

妹妹上午燒完烤,晚上煮個芫茜粥下火,買咗份20元紅衫魚煮個奶白色湯煮粥,甜到不得了

荷葉飯

天氣涼,又想起荷葉飯,今次用兩塊包,家人話荷葉香超濃,正,同加埋芹菜粒蒸,個個都可以食埋芹菜,有益,咁以後都包兩塊呢,又係滿足

蓮藕鮮淮山百合蠔士章魚豬骨湯

現在蓮藕好靚,好想飲,加埋淮山蠔士章魚個湯好鮮甜又下火,秋風起,妹妹又要帶學生去燒烤旅行,飲定消熱氣,

蘑菇忌廉汁燴紫薯西蘭花火鍋肉片

天氣開始涼,又想食些肥膩有汁食物,白汁係我家人冬天至愛,伴飯,意粉一流,今次用一包白汁加一包蘑菇湯,用半份洋葱,紅蘿白,西芹粒炒香加汁煮成,多份蔬菜甜香,再伴埋預先煮好紫薯仔,西蘭花,煎香火鍋肉同半份炒香洋葱,煮滾即成,成煲好快清晒,肚仔滿足.

韓式汁煎牛仔骨

買咗包韓汁好耐,唔太知怎醃.咁開嚟食吓個汁乜味,有點辣,咁我加個梨,炒些乾葱,蒜片加強香味放牛仔骨醃一天,第二日切件煎香,嘩,食牛班人好似餓鬼上身咁係咁食,佢哋話超香,超淋,可能梨有酵素掛??真係食韓燒個種牛仔骨香,我唔食得所以唔知乜味,但成碟好快清,連汁都唔放過就知好食

香煎撻沙

次次食都好正,蒸會肉質梅,煎質好食好多,伴埋炸蒜粒仲野味

6

生魚紅棗木瓜無花果湯

本來買鯇魚尾煲,有位太太話生魚煲仲有益,又試吓,但佢叫我加多8粒紅棗,一樣好鮮甜,同呢個木瓜好熟,更正

龍利葉青欖雪梨萍果南北杏無花果水

天氣開始乾燥,係時侯潤湯水出動,呢個飲家喉嚨好舒服,淡淡地當佢水咁飲一流

超級可愛--秋小愛bb

https://www.facebook.com/video.php?v=268884253321473&set=vb.256973387845893&type=2&theater(嫲嫲幫她祝生日)

https://www.facebook.com/video.php?v=268455423364356&set=vb.256973387845893&type=2&theater(呢個係最新一集,有她媽媽知保,仲係好靚呀)

小愛係2011年10月24日出世,細細個,好快生日啦

穿韓服,

最近相片,佢好出名,同爸爸秋成勛不斷拍廣告,小愛係日本出世,但好受韓國喜歡.個個叫她做國民bb

最近中毒咁愛呢位bb,係韓國逢星期日有個節目係"超人回來了",由上年9月開始做,係講有數位名氣爸爸怎樣48小時照顧他們仔女,其實個個節目內bb超可愛,大家有時間可以去看看,她媽媽係我中學時愛日本名模--矢野知保,爸爸係中韓泰拳手秋成勛,最近以40歲參加多次ufc比賽,勁,

蒸節瓜釀尤魚肉碎

前天蒸尤魚肉餅,剩少少釀節瓜,放係飯煲蒸完再收汁淋面,好好食,節瓜吸收晒尤魚肉鮮味,汁又好好送飯,媽媽話下次整多點比佢,好呀

慢火煎焗雞件

想食像焗爐焗出來雞件咁香口,咁我用慢火煎焗佢,到最尾才大火少少煎香雞皮,全程約30分鍾,因要雞熟透,又要雞皮唔可以煎燶,但好值得,雞皮香脆,同慢火煎出來雞肉係超滑架,油份己完全煎出,見家人食得好開心大大滿足,媽媽仲一邊食一邊笑,哈..............

紅燒西芹大魚頭

家人愛食魚頭,今次用另一方法整,請魚老闆一開6件,先煎香,再炒香配料,收汁尾才回魚件伴一伴,咁樣整魚頭仲保持好香脆,超野味,汁料係益昌蝦米醬,蠔油,生抽,,糖,上湯