白蘑菇炆唐排

係百佳常有呢種一條骨少肉唐排買,唔太貴,以前多煲老火湯,前前天突然想將佢一開二炆嚟食都好喎,佢似食舖用嚟整燒骨,但家中有焗爐,就用嚟炆,原來好入味,我配料有洋葱,蒜片,芫茜頭,加咗1湯益昌蝦醬,生抽,老抽,冰糖,蠔油,上湯炆30MIN,焗30MIN,重覆3次,食時收少少汁同加白蘑菇,妹妹一食就大叫好淋好入味呀,見佢哋成條咬嚟食好過癮呀.

蒜粒蝦醬蒸冬菇肉粒鮮腐竹

之前買咗益昌蝦醬超好味,試過炒飯,今次蒸鮮腐竹,加冬菇肉粒同蒸,又係一個超好送飯,蒸出汁好正

粉絲蝦煲

呢個菜精華係粉絲,吸收晒蝦鮮味,但小妹今次買蝦不太靚,有些失準,肴希望下次買番靚蝦再整過,但粉絲真係超正,我仲加大量芹菜粒同芫茜同煮

煎沖繩豬扒

有次一田買沖繩豬扒,呢兩塊3０元，用少少椒鹽醃，煎香每邊灑少少海鹽，切條，鑊中油加兩湯燒汁，葱，淋回豬扒面，超正，呢種豬好香肉味，要買有少少肥邊，好食好多，煎香係爽架，下次見到又要買定幾盒鎮宅。

牛大力栗子蓮子南北杏杞子豬骨湯

蓮子同栗子溶晒超甜,牛大力係冇乜藥才味,放心,杞子我係煲好才放焗一陣飲埋落肚,

燒汁鰻魚

買了兩條急凍鰻魚,但佢冇汁,我自己整汁,用黑糖,老抽,上湯,加鰻魚慢煮10MIN同汁融合,煮至杰身即起,灑葱花,淋汁,食得,家人超愛個汁,好好送飯.

蛋黃煎紅衫魚

用蛋白醃肉剩下一隻蛋黃,又唔想浪費,咁啱要煎紅衫魚,咁我把紅衫魚塗少少栗粉,再沾蛋黃,家 話食起嚟魚肉多份蛋香,煎時己聞到好香蛋味,但要小心煎,因有蛋黃好易燶,正

熟蝦醬炒飯

呢隻蝦醬超好食,現在家人乜都用佢,比佢哋笑C...

荷葉木耳絲杞子紅棗蟲草花蒸雞

白背木耳煲湯家人會唔食,不如切絲蒸雞,咁樣佢哋食晒,正

日式炒麵

夏天唔太想食飯,間唔中炒吓麵,有芽菜,肉片,好正

夜香花豬潤瘦肉蛋花湯

夜香花好靚,買嚟煲豬潤湯,尾才加蛋花,超甜呀

香花又稱夜香蘭,味甘淡,性平,可清肝明目,更可闢穢濁之氣.頸部生瘰癧,口中吐出穢濁臭氣者,以夜香花滾魚尾湯,或滾瘦肉湯服,能消除口腔不良氣味,並有止疼痛功效.(copy自芳姐)

娘娘煎撻沙魚

我係跟娘娘學架,但煎得好肉酸,王不過超好食,以住多數蒸,但撻沙質感會比較淋身,不太好食,煎真係好好食,希望娘娘收貨啦

金鑪兩食

魚肉起球炒西芹係絶配

魚骨我加多兩個魚頭,煎香煮魚湯,伴絲瓜,芫茜,芹菜,豆卜食,湯可伴飯或米粉,家人好滿足

拜神餸

唔記得係乜節,但每到呢個時候家人都會拜神同燒街衣,我家拜神都會用烏頭,要埋鱗,咁次次拜神條魚佢哋都唔鍾意食,用嚟煲湯,今次我加蒜頭乾葱豆豉同蒸,蒸好去鱗,炒香葱段,回魚汁,埋少少芡淋落魚身,佢哋話咁樣超好食,仲有浸回拜神雞伴薑葱食,好滑滑,加一大碟生菜,滿足.

蒸海黃花仔

 

好耐冇見有得食啦,夠一斤38,唔夠一斤要計48一斤,當然買一斤啦,分兩次,一次煎一次蒸,正

芫茜頭乾貝蜆肉粥

之前說過蜆肉對眼好,今次食粥給父母親食,佢哋食咗幾碗呀,因每天都會用芫茜,芫茜頭我會儲起每次煲粥都會加8個,對解毒好好架,但一定要浸洗,好多沙架.

金銀蛋帶子蒸蛋

又係簡單一餐,但好好味,帶子帶起蛋鮮味,我都食咗1大碗飯呀

青瓜芥未豬肉漢堡三文治

得我同媽媽食,之前煎定4件芥未豬肉漢堡,整定蜜糖芥未沙律醬,青瓜片夾包,我倆咁又一餐啦,但好滿足,剩下醬沾青瓜片食,正.

腐乳肉碎蒸茄子

 

 

見黃淑儀蒸茄子我今日又蒸,又係用腐乳醃肉碎,加咗少少老抽糖,蒜粒,乾葱,炒香肉碎,伴係茄子面,加芹菜粒同蒸15分鍾,因媽愛淋滑蒸耐少少,蒸好淋少少熟油,半磚腐乳加少少糖,生抽,2湯水,麻油,葱粒係茄子面,正正正,個汁伴埋肉碎好好送飯呀

嫲嫲靚湯--節瓜百合乾貝洋薏米瘦肉湯

嫲嫲好愛飲呢個湯,佢話好甜,我會儲定莞茜頭加埋落去煲,可能嫲嫲飲得奶粉多,起粒粒,飲咗芫茜頭湯幾次己好啦

太興咖啡紅豆

一星期會去太興一次,好愛佢杯咖啡紅豆,咖啡味正,食餐時加8元就有杯,夏天飲正

芥未醬腐乳豬肉漢堡

想整煎豬肉餅,買咗15水展加少少肥膏搞碎,自己大頭蝦,家中咁啱用晒豉油,又唔想落街買,咁見雪櫃有乜調味料,有腐乳同芥未醬,想起有時漢堡豬肉都係落芥未醬,佢係有少少咸咸地,咁我又架多1磚腐乳,加埋炒香乾葱,蒜粒,葱粒,1隻蛋黃,粟米,撻到佢起膠,煎香佢,家人話出奇好味,我好怕食到豬肉蘇味,唔知係咪呢兩想調味料有去蘇味功能,係食到好香豬肉味,煎多咗,第二天媽媽加番茄,青瓜,蜜糖沙律醬食,佢話正到冇朋友,下次又要煎多點給她喎,收到...