韓式味噌炆馬蹄五花腩

醃咗件五花腩本來想炆完佢煎香食,但突然想食炆五花腩伴鹵蛋食,因看到台灣某飲食節目整好正又想整,咁就即轉,煎香蒜片,乾葱,芫茜頭,葱段,家中有盒韓式味噌,老抽,冰糖,水,煎香件五花腩表面金黃,加紹酒,加調味,配料,加馬蹄炆係媽媽好喜歡食,咪加埋落去炆,但小妹覺得馬蹄係最好味,因吸收咗各種精華,又甜好香又爽,下次炆多點凍咗當零食一流,做法:係細火炆30min,焗30min,重覆做多2次,咁樣炆出嚟五花腩超鬆化,連帶肥膏部份都唔油,好正,入口即溶,家人話味道好正,我唔太喜歡好甜味道,呢個係咸香帶少少清甜,因有馬蹄,個汁有肉香之餘又多咗份馬蹄清甜味,好好伴飯,我都比平時食多咗飯呢...鹵蛋係用整糖心蛋做法,整好加落去浸一浸就食得,炆會冇咗糖心蛋效果,食呢餐要做番多點運至得,但好值得,會再炆.