蘆筍紅椒炒豬梅扒

 

家人喜歡食啖啖肉豬扒,一直買開有一隻,最近見一田買呢種豬梅扒,又試吓,好靚架,肥瘦均勻,我用味噌,燒汁,魚露,生抽,糖,麻油,生粉炒香蒜粒伴均醃一晚,煎香,再伴蘆筍炒,好正,食落爽口嫩滑多汁,我覺得急凍過豬扒好食過街市豬扒,再買放係雪櫃

1盒29.9(4塊)

西芹番茄炒雞件

 

最近多咗用番茄入菜,因佢有營養,又好食,炆煮,涼伴,點都咁好食,今次呢個係咸香,因妹妹係喜歡食咸香食物,我就咁將番茄出水去皮,放涼去除裏面水份,最尾才伴炒香西芹雞件咸香汁料中,煮時都驚驚哋唔知出嚟係乜味,妹妹同家人話估唔到咁配會係好夾,最快食晒係番茄,我己用咗3大個肉茄,佢哋話下次要加多個???唔夠食喎,番茄本身少少酸沾着咸咸香香汁料好正,妹妹話加入佢帶飯食譜中

合掌瓜雪耳粟米海玉竹瑤柱南北杏無花果豬展湯

 

帝苑酒店--雅苑座

甜點,有蛋糕,紅豆沙(呢個好正.),即製咸,甜pancake....朱古力　等媽媽至愛,食咗好多,好在樣樣都係細細份咗.

帝苑酒店--雅苑座

 

 昨天妹妹放假,她己提前兩星期叫我訂位,因首100名有6折,好想試吓,之前冇乜看佢食什麼,所以去到好驚喜,因有好多長腳蟹,蝦,藍青口食,仲好新鮮添,我同妹妹係咁食海鮮食咗一段時間,因真係好好食,好甜好鮮,好搞笑,一開始個個一大碟咁攞,以為之後冇,其實一食完就會有人添加,唔洗咁緊張,我同妹妹起碼食咗有10隻多長腳蟹呀,仲有蝦,青口...食完都飽咗一半,其實仲有好多食物,但真係食唔晒同唔夠時間呀,食吓其他熱盤就轉向甜品啦

蟹柳海鮮豆腐,好清新,可清一清喉嚨,細細杯好可愛,好正.

 

 

 

 新鮮熱辣辣炸魚柳,好味

炒烏東好夠味.好飽,行吓影相再食甜品...
明天再講甜品

好大盤蟹呀.....

 

 

 

嫲嫲靚湯---牛鰍魚蓮子芡實粟米瑤柱海玉竹腐竹紅棗湯

唔係成日見有牛鰍,一見要買定,早兩日買定煲比嫲嫲飲,佢買夠一斤計48元,唔夠一斤要計64,咁更係要夠斤,個湯甜D之麻,因牛鰍魚好有營養鰍魚：可補中氣，袪濕邪，清熱...,加海玉竹可潤肺,最近看書話間唔中煲湯加海玉竹對近其病毒有幫助,煲起非常鮮甜,但我好怕見到佢個樣,不過冇法佢營養好,對嫲嫲身體好.

梅菜馬蹄水展肉餅

小妹挆肉餅一直都係用梅頭,因係媽媽教落,但唯一唔滿意係佢好大陣肉蘇味,我不太喜歡,有天見人買水展,多口問她係咪用嚟炒,佢話挆肉餅好好食架,一d都唔蘇架,不過水展唔好煲湯,蒸,炒,煮,煲粥會好d,豬肉老闆話煲湯浪費咗,水展蒸出嚟肉質鬆軟,咁我又試吓,蒸起媽媽問肉質同平時唔同,香好多同鬆軟好多,同我加咗個方法,係書學的,用薑同葱加熱水,壓一壓出薑葱水,攪伴肉餅時加3湯,分三次加,肉餅食起嚟好香口架,家人話要再encore呢個肉餅喎.

銀杏淮山芡實紅棗腐皮粟米魚湯

 

以前不太食銀杏,因對它印象係會有毒,但原來食適量係對身體好好,但每天不可多過5粒,http://blog.yahoo.com/_A5LZLXZT3IOFM7666ET7H6OU5Q/articles/13871大家有時間看吓文章,這個湯煲起超甜,對嫲嫲身體好,她好愛飲.

香甜番茄白豆雜菜炆豬軟骨

看好多外國飲食節目他們好喜歡用白豆煮食,原來係有益食材,大家可看以下介紹,不過係普通超市好難買到,我係citysuper買,大家可炆其他,或就咁伴食沙律食,但我家有盒豬軟骨,同埋番茄,炆起好香甜,媽媽不喜歡食酸,所以就咁用茄膏,紅酒番茄磚同雜菜炆,我冇計份量,亂估,但炆起一樣啱他們口味,同埋大家厘要食多點番茄,對身體好好,炆過番茄有更多茄紅素,落少少茄膏係好,有次係電視飲食節見介紹因佢係平時一個番茄10倍茄紅素呀我炆多咗汁比媽媽留第二天伴意份食