蓮藕夾魚餅

 

 

天氣涼了好多,下星期會仲凍,前兩天回鄉探嫲嫲看她禦寒物品夠唔夠,那天看錯天氣,穿少咗,而且家鄉又濕又落雨,回家即昏睡,大家要保重身子,一病真係好辛苦.

探完嫲嫲同姑姑行吓街市,有好新鮮西芹,2元一斤,蓮藕又好靚,樣樣都買D重到肩膀cc下,但好開心,因好新鮮,因蓮藕多,有些煲湯,炒素菜,想整南乳排骨,家人現在不太喜歡食排骨,所以整咗小食,但都可以做餸架,係蓮藕夾魚餅,之前多數係拍碎蓮藕加魚肉,豬肉煎餅,今次想試吓用兩塊蓮藕夾魚肉,因見好多網友整過,又好食喎,剩咗好多蓮藕片,我又加鹽煎香做蓮藕脆片,好好食呀,鹽鹽香香脆脆,媽媽食咗好多,不過知蓮藕係燥熱,明天要煲番下火湯食先.