合掌瓜海玉竹南北杏金華火腿粟米紅蘿白紅衫魚豬展無花果湯

熱咗幾日又開始凍,跟住又暖番,真係要小心d,大家昨晚有冇看台慶,最開心蘇基同天與地有獎攞,係我心水,,又嚟送靚湯給大家,今次加埋舅舅係雲南買金華火腿煲湯非常之鮮甜.
而家買魚好貴,呢三條要30大完,有些係平d,但肉質唔掂,好梅,貴少少係質數好好多,所以我家有時落足料煲湯飲兩日架,環保之餘又可慳家嗎,湯係煲埋比嫲嫲,加埋魚湯落去真係甜好多.

龍利葉天山雪蓮青欖竹庶南北杏海底椰水

白鰂粉葛金華火腿粟米紅蘿白無花果湯+米酒蒸蜆

 

 

 

 妹妹在上海公幹幾天回來,第二日即要回校上課,要煲番去骨火湯給她,現在煲粉葛多數用白鰂,鮮甜好多,又講吓我,買開魚老闆娘好錫我,她說有位朋友面上色斑己有十年,又係朋友介紹飲米酒蒸蜆飲了3-4次好番好多,我只有6年,叫我試吓,通常係食療而又食唔壞我都係試吓,但若要塗係面上就唔太信,因試過好多次面上好敏感,受不了,呢個又試吓,用2中國匙米酒蒸8個字,可惜我唔太懂蜆吐沙,我灑咗好多鹽,變咗蒸出嚟好鬼咸呀................但我都照飲,又試3次,若不太理想就放棄,因我己接受了自己,我最緊要係家人健康就夠,自己面貌都係過眼,唔理啦.

沙葛馬碲紅蘿白章魚瑤柱海玉竹豬展湯

要謝謝何太湯水介紹因之前食咗好多蓮藕,要煲下火湯,想起何太湯水即煲,但回來見媽媽只買咗1個沙葛給我,怕不夠甜,係雪櫃摷料,有紅蘿白,馬碲,原粒海玉竹就加晒落去,真係超級甜呀,因小妹没有facebook,現在没有得同何太溝通,希望何太看到啦,真係好鮮甜呀............快d嚟飲碗啦.

蓮藕夾魚餅

 

 

天氣涼了好多,下星期會仲凍,前兩天回鄉探嫲嫲看她禦寒物品夠唔夠,那天看錯天氣,穿少咗,而且家鄉又濕又落雨,回家即昏睡,大家要保重身子,一病真係好辛苦.

探完嫲嫲同姑姑行吓街市,有好新鮮西芹,2元一斤,蓮藕又好靚,樣樣都買D重到肩膀cc下,但好開心,因好新鮮,因蓮藕多,有些煲湯,炒素菜,想整南乳排骨,家人現在不太喜歡食排骨,所以整咗小食,但都可以做餸架,係蓮藕夾魚餅,之前多數係拍碎蓮藕加魚肉,豬肉煎餅,今次想試吓用兩塊蓮藕夾魚肉,因見好多網友整過,又好食喎,剩咗好多蓮藕片,我又加鹽煎香做蓮藕脆片,好好食呀,鹽鹽香香脆脆,媽媽食咗好多,不過知蓮藕係燥熱,明天要煲番下火湯食先.