梅菜瑤柱蒸肉餅

天氣涼,好想食肉餅,買20元梅頭半肥瘦,媽愛食梅菜,加多兩粒浸乾瑤柱,蝦皮,炒香蒜粒,乾芴粒,鹽份不要加太多,因梅菜,瑤柱蒸出來好夠味,我只加1湯生抽,糖2湯,因梅菜咸,加多少少平衡,己好夠味,真係天涼送飯良品呀,一上卓好快食晒,飯都食多咗呀.....

香蒜粒煎鱔片

妹好耐冇食鱔,其實係鱔越來越貴,買半條己120元,本想炆白蘿蔔,但知道家人愛香口,咁又選擇煎,先用少少生抽,魚露,糖,麻油,胡椒粉,醃半日,煎前吸乾水份,沾生粉,中大火煎金黃,一邊煎一路吸油,因真係好多油,但煎晒油份出來,一來冇咁腥,二來皮係好好食,今次選擇係對的,真係非常香口,好食過急凍日式鰻魚,新鮮係唔同d.

嫲嫲靚湯---牛鰍淮山節瓜腰果瑤柱湯

煲完腰果淮山個個爭住食,但湯真係好甜

南乳煎雞件

平時煎開南乳雞翼,今次試雞脾仔,一樣好食,正,啖啖肉

甜腐皮包飯

媽媽愛食甜甜腐甜,見有得買,飯中加紫菜,鹽水吞拿魚,少少bb沙律醬,好食

紅豆燉蛋

小妹真係好少整甜品,但前天氣涼咗少少,媽媽想食燉蛋,咁又試吓,同自己又有幾隻食甜品杯想用吓佢,蛋我唔整咁甜,因想伴紅豆水溶食,之前買咗罐日式紅豆,小妹好滿意自己第一次,因怕會整到起蜂巢咁,今次成功的,冬天時又可有一個甜品食,下次又試吓用椰皇水整吓先,唔知自己整得好唔好食呢?????

紅蘿蔔瑤柱蝦皮焗飯

紅蘿蔔對眼好,現在入秋好多时焗飯,炒香紅蘿蔔,瑤柱碎,蝦皮焗飯,家人食完又暖時,眼睛精靈啦

 

香煎牛柳

之前看過大少奶汔水浸肉,係街市有時買牛柳煎時會un,媽媽唔係好食到,咁我試吓浸雪碧加雪梨一天,第二天煎佢,再灑海鹽,媽媽食時好開心,因好好食同好淋,又可以成日整比佢食啦,

2

鹵五花腩伴麵

有時整炆骨或,整南乳骨時買腩排,只用下面骨加肉,上面五花肉會儲起,用嚟鹵肉伴麵食好正,唔洗怕會好肥,因我出水去油才炆,前一日炆定放涼,再放入雪櫃,第二日面有層油去咗佢,回熱伴麵食,咁樣炆起肉真係入口即溶同冇乜油,家人又可食得安心,

聖安娜蛋糕

栗子味淡口,唔太甜,可以

 

朱古力好淡,差了點

紫芋淡淡地,但食到香,

士多啤梨好正,酸酸地好正,開胃

沙田cafeholic

 

三文魚薄pizza,唔係一般超薄,有0.5mm麵包,我反而愛呢種

班尼迪巴馬火腿,蛋唔太流心,一般

鮮奶咖啡,佢有少少濃香,啱我,唔啱媽媽

 

跟住食埋hagendaza買一送一雪糕,本來一早想食,但唔記得,到記得時己係最後一日.

 

最近係沙田希爾開新食店,又試吓,環境好正,下次試佢早餐