超好食.........自家製鰻魚(白鱔

 

來買了份白鱔尾起肉想就咁炒,但媽媽去食午餐時想食鰻魚飯,咁家中有白鱔,我想了又想不如試吓自己整,但家中冇焗爐,咁又想日本都係燒一燒鱔皮油份再掃汁啫,再諗個汁怎樣調呢??係日式店食鰻魚汁係甜甜哋,我又將老抽,黑糖,少少鏗魚醬油伴均,汁味道要偏甜才可,又似喎,我又試吓先煎一煎鱔皮,但我蓋塊錫紙加碟壓一壓,煎出油份,再煎吚另一面魚肉至金黃,取起吸乾鑊中油,再下乾葱,葱粒,自家調汁,因有糖,會好快起膠收汁,上卓,給家人食,佢哋大叫話超..........................好食,初試自己調汁時係唔發覺似鰻魚汁,但當佢同鱔魚球均合時真係食緊鰻魚架,雖然係糖多,但食起來不會太甜,剛好,好似有蜜汁味道咁,可能呢D係化學作用啦,家人都話好得意,在日式店佢哋多數係先燒再蒸,魚肉比較淋,但我咁整白鱔係爽中帶少少淋,皮因己煎出油份所以好煙'UN',家中人話喜歡呢種口感,一定要隔星期整一次比佢哋食,同我咁整都係80元,己有一大碟,媽媽仲留起幾件第二天蒸嚟食,佢話非常滿足,因我會常整比佢食,但唔可以個個星期,因佢比較肥膩,同我仲要研究煎魚皮方法,因我今次整過程都好鬼麻煩,但回報係個個都好欣賞,少食多滋味嗎,食得密就冇人欣賞架,你哋又試吓

 

香煎刀拍蓮藕蝦豬肉餅

前兩天煲蓮藕綠豆章魚湯,買開菜檔好好人,次次都比多我,咁煲湯唔洗用咁多,係街市買多半斤蝦,15元豬肉,就整煎蓮藕啦,菜檔auntie教我不要磨,用刀拍,咁樣煎餅唔會出水,仲食時可以保持有蓮藕水份,咁我又試吓.

豬肉(自家挆碎,會彈牙好多),蝦膠(加少少鹽挆至起膠),炒香乾葱,蒜粒,冬菇粒,調味:大地魚粉1.5湯(好愛它,加咗令食物增加鮮味),魚露,糖,麻油,鏗魚汁,半隻蛋,生粉,伴均,撻30吓,下放回碎蓮藕(我有用篩隔咗20MIN水份),伴均,先放冰箱30MIN,再放回下格雪至食飯前加葱粒,再煎熟,食得,慢用.


我強烈推介,上卓好快食晒.
唯一要改善係下次加多d蝦份量,咁就完美啦.
PS:手拍效果好好,我早上10時已整好,到晚上8時才取出加葱粒煎香,都冇出過水,好實淨,大家可以試吓.

xo香煎新鮮鮑魚+澳洲和牛腱(超好食)

 

 

 

 

去太興食嘢時媽媽想食原隻鮑魚泡飯,我見個價錢非常唔低食,咁我話不如我買d鮮鮑煎比你食啦,己說咗好耐啦,今次的起心肝實行,又好彩魚佬有非常生猛鮮鮑,隻隻係郁架,當然又係用底食價比我啦,我用xo醬做汁料,嘩,食到媽媽開心到飛起,父親同妺妺係咁話好正呀....,咁佢又唔貴,11隻收我60元,真係啖啖肉又鮮甜,咁我間唔中整比你哋嘆啦

新鮮淮山紅椒炒雞粒

淮山去皮若未炒要用淡鹽水浸一浸,防變色,先炒雞粒取起,不用洗鑊下淮山,加調味汁:魚露,蠔油,糖,少少鹽上湯煮一煮,下紅椒,葱段,收汁回雞粒,上卓

淮山炒係非常好食,爽口,吸咗少少雞香味好正,今次唔夠食,因只係試吓炒,家中話要常炒比佢哋食,好

PS:淮山去皮要帶手套,因沾到淮山液體會好痕,我都有帶手套,但都沾到,痕足半日

鯷魚番茄醬煮雞件

 

 

韓式煎翠玉瓜+煎三文魚腩晚餐

 

 

荷葉飯

 

 真係推介,夾埋荷葉味個飯好香,佢哋咁大份都食晒呀,
材料:新鮮雞脾,瑤柱5粒,臘腸1條,蝦米,冬菇,蛋一隻

去濕健脾湯水---老黃瓜雲苓淮山扁豆瑤柱雞腳豬展湯

shakey's

食shakey's己係上個月事,但唔記咗得佢,本來唔想寫,但我唔想你哋盲中中去食佢個午餐,要比吓我家意見你哋,因真係食到滿肚火,係沙田新城市shakey's見佢成日都好多人,又係時候食午餐,佢又有午餐食,妹妹話就試吓,見佢餐牌7"吋長,92元芝士蝦薄餅好吸引,就係揀佢,點知一上卓真係火滾,真係一片好薄薄餅(係好脆的)加雪蝦(冇蝦味),數粒菠蘿,芝士份量係多,唔通貴係貴在芝士同人手搓皮????,我好多網友整得好食過佢多多聲呀....................,到份白汁煙肉意粉,你哋看,唔通又係貴在白汁,一卓超細份,又白雪雪,得少少炸煙肉,香草碎點綴,份量每人得3啖,搞乜呀????,好啦,到125元牛扒餐,諗住以呢個價錢牛扒質數應該掂啦,要5成熟,大家又看吓,邊度似5成熟呀,切開乾過我荷包???,又un,食落一點牛味都冇,係冇味道???真係食到一肚氣,不過薯仔同沾牛扒個汁係好食的,我哋咪係咁沾佢汁,同攞多份汁沾牛扒食,又貴又唔好食,我哋食完好似冇食過咁,妹妹話去食甜品補數,佢仲有另一面二人餐,都係好細份,你哋又冇食過,係咪我哋個日黑仔呀,真係唔會再去