係咪覺得好熟呢,其實之前係用牛肉碎,因爸爸不食牛,我朋友都唔食牛,之後改炆豬肉碎同佢哋分享吓,原來一樣好味,食番茄好有益,由其煮過d番茄,有茄紅素,每星期都會出現係家中,煮呀煲湯呀都有佢份,所以同佢好好.....朋友(同你哋係咪呢...我希望係啦),呢個送帶飯都得架,第二日仲好味d添,我會炆一大煲第二日加意粉或加酥餅食一流,
番茄四個(底界十字,加水煮至水滾關火浸10分鐘去皮),再切件.巴厙豬肉碎20元,用混合香草,蒜粒,乾葱粒,生抽,糖,生粉,醃半小時,
洋葱1個,西芹4條,紅蘿白半條,全部切粒,
先炒香洋葱粒至金黃色取起,下豬肉炒香,下西芹,紅蘿白粒炒香,回鑊洋葱粒,番茄粒炒均,下2湯黑糖,加水200ml,細火煮30mlin,途中若水少咗可加少少水份,落番茄磚1.5件,再小火煮15分鐘,焗30min,再食時煮番熱即可,
因番茄磚己有味,所以之前我冇乜調味,你哋若没有番茄磚可用番茄膏(只有番茄味),番茄汁(佢會酸d)一樣可以,自己調至合適自己口味就可.
大家有冇覺得呢個新YAHOO有時好難控制,我寫BLOG都係見步行步,有時自己都唔知按錯乜鬼制成篇冇咗,真係..............,好炆呀.小妹係用尼隻番茄磚,係大少奶介紹架,佢15元一合,小妹家可用三至四次,方便過和番茄膏用唔晒,容易儲存.不過係留意佢己有味道,煮煮要小心調味.
你哋看,加咗顏色靚好多架,大家掌聲鼓勵(用國語講.........哈)
